У чацвер, 12 ліпеня, у Віцебску адбылося ўрачыстае адкрыццё міжнароднага фестывалю мастацтваў "Славянскі базар". Гэты форум і ўдзел у ім прадстаўнікоў розных краін і народаў становяцца ўсё больш важнымі на фоне напружанай міжнароднай абстаноўкі, адзначыў падчас канцэрта-адкрыцця прэзідэнт Беларусі Аляксандр Лукашэнка.
"У нашым славянскім свеце сёння не зусім спакойна. І тое, што сёння адбываецца тут, я ўпэўнены, што вы нават усе гэтага не ўсведамляеце, наколькі важна тое, што мы тут сабраліся", — сказаў Лукашэнка.
На думку кіраўніка дзяржавы, фестываль у роўнай ступені важны для беларусаў, расіян, украінцаў і ў цэлым для ўсё тых рэспублік Савецкага Саюза, якія былі калісьці ў адной дзяржаве.
Беларускі лідар не пагадзіўся з народнай артысткай Казахстана Розай Рымбаевай, якая падчас атрымання ўзнагароды "Праз мастацтва да міру і ўзаемаразумення" асабліва вылучыла Казахстан.
"Мы не думалі пра тое, што Казахстан дзесьці і іншае. Гэта нашы людзі. І сведчаннем гэтага з'яўляецца вось гэтая сцэна і гэты амфітэатр. Таму мы тады мелі рацыю, што захавалі гэты фэст. Ён бы быў проста знішчаны. Я гэта ведаю цяпер дакладна", — сказаў Лукашэнка.
Паводле слоў беларускага лідара, у свой час фестываль "хацелі пусціць у свабоднае плаванне па гарадах, вёсках і краінах для таго, каб ён паволі згас".
"Мы яго захавалі для вас і мелі рацыю. Ён нам вельмі патрэбны сёння, і ён будзе заўсёды", — падкрэсліў Лукашэнка.
Фрагмент прамовы прэзідэнта Беларусі Аляксандра Лукашэнкі слухайце на радыё Sputnik Беларусь.
