08:15 22 кастрычніка 2018
«Радыё Sputnik»
  • USD2.11
  • EUR2.42
  • 100 RUB3.21
Галоўны рэдактар праекта Гарады Беларусі. Брэст Ірына Балабановіч
© Фото : Из личного архива Ирины Балабанович

Балабановіч пра прэмію "ТЭФІ": мы ў рэгіёне робім прафесійныя праекты

Радыё
Атрымаць кароткую спасылку
810

Галоўны рэдактар праекта "Гарады Беларусі. Брэст" Ірына Балабановіч падзялілася эмоцыямі і асабістым гонарам пасля ўручэння тэлерадыёкампаніі Брэст прэстыжнай прафесійнай узнагароды "ТЭФІ-Садружнасць".

Тэлерадыёкампанія Брэст у гэтым годзе ганаравана ўзнагародай фестывалю "ТЭФІ-Садружнасць" за праект "Гарады Беларусі. Брэст". Спецыяльны прыз прадстаўнікам брэсцкага тэлебачання быў уручаны на ўрачыстай цырымоніі, якая адбылася ва Узбекістане.

"Ва Узбекістане сустракалі вельмі добра, дзіўна цёплыя і сонечныя людзі, вельмі добрыя і ўважлівыя", - распавяла радыё Sputnik Беларусь галоўны рэдактар праекта "Гарады Беларусі. Брэст" Ірына Балабановіч.

Конкурс акадэміі Расійскага тэлебачання "ТЭФІ-Садружнасць" прайшоў ужо ў 8-ы раз, і брэсцкім тэлевізійнікам асабліва прыемна, што ў гэтым годзе узнагародай адзначаны праект, прысвечаны іх роднаму гораду.

Праект "Гарады Беларусі. Брэст", які стварае тэлерадыёкампанія Брэст, выходзіць у эфір на спадарожнікавым тэлеканале "Беларусь-24". Фільм, прысвечаны Брэсту, стаў першай серыяй першага сезона, а зараз у эфіры ідзе ўжо другі сезон "Гарадоў Беларусі", распавяла суразмоўца.

"У мяне велізарны гонар за творчую групу, якая змагла зрабіць такі цудоўны праект, за аўтара, рэжысёра, аператараў, гонар за тое, што мы ў рэгіёне робім прафесійныя праграмы, якія ацэньваюць і добра ацэньваюць прафесіяналы тэлебачання", - адзначыла Балабановіч.

Гутарку з галоўным рэдактарам праекта "Гарады Беларусі. Брэст" абласной ТРК Ірыны Балабановіч слухайце на радыё Sputnik Беларусь.

Тэги:
Міжнародны тэлевізійны фестываль "ТЭФІ-Садружнасць", Брэст
Правілы карыстанняКаментары

Галоўныя тэмы