01:05 24 ліпеня 2019
«Радыё Sputnik»
  • USD2.02
  • EUR2.26
  • 100 RUB3.20
Марына Слуцкая
© REUTERS / Valentyn Ogirenko

Дзюдаістка Слуцкая: цяпер хочацца на Чэмпіянат свету і Алімпійскія гульні

Радыё
Атрымаць кароткую спасылку
Еўрапейскія гульні - 2019 (187)
710

Пераможца II Еўрапейскіх гульняў у турніры дзюдаістак у катэгорыі звыш 78 кілаграмаў, беларуска Марына Слуцкая распавяла, чаму забараніла родным прыязджаць на "Чыжоўка-арэну" заўзець за яе выступ.

Адразу пасля перамогі ў турніры дзюдаістак эмоцыі былі "трошкі падзатупленыя", таму што і стомленасць назапасілася, і ў фінальным паядынку прыйшлося "выплеснуцца" на 100%. Такімі ўражаннямі ад уласнага выступу падзялілася ўладальніца залатога медаля II Еўрапейскіх гульняў дзюдаістка Марына Слуцкая ў эфіры "Беларусь 1".

"Мне здаецца, у мяне тэлефон проста разрадзіўся ад колькасці паведамленняў. Вельмі прыемна, што віншуюць, тэлефануюць і пішуць. Шчыра кажучы, я забараніла маме прыязджаць, яна нядаўна сур'ёзна хварэла і хвалявацца ёй нельга, тата на дачы, і ён там вельмі перажываў, але мама не паслухала мяне і прыехала на "Чыжоўка арэну". Я не ведала. Убачыла яе ўжо пасля паядынку, на п'едэстале калі стаяла. Я, вядома, на яе сварылася, але гэта мама", - распавяла Слуцкая.

Як адзначыла спартсменка, турнір дзюдаістаў - адзін з самых моцных турніраў на цяперашніх Еўрапейскіх гульнях, у Мінску сабраліся ўсе мацнейшыя дзюдаісты з Еўропы, таму што тут разыгрываюцца алімпійскія ачкі, і гэта апошні турнір 50-працэнтных ачкоў у сезоне, распавяла Слуцкая.

"У нас такая вар'яцкая канкурэнцыя, што на парадзе спартсменаў на адкрыцці Гульняў мы налічылі каля 20-ці дзюдаістаў, якія неслі сцягі. Гэта наколькі яны каштоўныя для сваіх каманд", - адзначыла дзюдаістка.

Што да іншых беларускіх дзюдаістаў, якія пакуль не паказалі яркіх вынікаў, то яны вельмі амбіцыйныя, але пакуль яшчэ маладыя, ім не хапае вопыту і шанцавання, але іх вялікія поспехі яшчэ наперадзе, перакананая спартсменка.

"Далей вельмі хочацца патрапіць на Алімпійскія гульні. Вельмі хочацца заваяваць медаль Чэмпіянату свету, планаў шмат, вельмі хочацца ўсё рэалізаваць. Думаю, што ўсё атрымаецца, галоўнае - верыць у сябе", - падагульніла Слуцкая.

Нагадаем, па выніках 4 спаборніцкіх дзён зборная Беларусі на еўрапейскіх гульнях у Мінску заваявала 38 узнагарод, з іх 11 залатых, дзевяць срэбных і 18 бронзавых.

Тэмы:
Еўрапейскія гульні - 2019 (187)

Галоўныя тэмы