01:43 24 ліпеня 2019
«Радыё Sputnik»
  • USD2.02
  • EUR2.26
  • 100 RUB3.20
Намеснік начальніка УДАІ МУС, палкоўнік міліцыі Андрэй Чарняўскі

ДАІ: у новых ПДР з'явяцца новаўвядзенні для электрасамакатаў

© Sputnik / Виктор Толочко
Радыё
Атрымаць кароткую спасылку
810

У шэрагу сітуацый на электрасамакатах можна будзе перасоўвацца па веладарожках, у тым ліку і выдзеленых на праезнай частцы, а таксама па тратуарах, але не ствараючы пагрозу пешаходам.

У праекце Правілаў дарожнага руху, грамадскае абмеркаванне якога адбылося вясной, з'явіцца шэраг карэкціровак, якія тычацца руху электрасамкатаў, якія ў апошні час сталі асабліва папулярнымі ў жыхароў Мінска. Пра гэта ў інтэрв'ю Sputnik паведаміў намеснік начальніка УДАІ МУС, палкоўнік міліцыі Андрэй Чарняўскі.

"Мы прадугледжваем унясенне зменаў і вылучаем так званыя "сродкі персанальнай мабільнасці"- мы так будзем іх называць, якія ў прынцыпе не прызначаныя для ўдзелу ў дарожным руху ў шырокім разуменні, але з-за характарыстык грамадзяне выкарыстоўваюць іх падчас руху на дарогах. І да такіх у прынцыпе варта адносіць і электрасамокаты", - сказаў Чарняўскі.

Будучыя новаўвядзенні ў ПДР, якія тычацца электрасамакатаў, звязаныя з высокімі дынамічнымі паказчыкамі шэрагу мадэляў, што можа прадстаўляць пагрозу бяспецы пры руху пешаходаў, адзначыў прадстаўнік ДАІ.

"Прапануецца замацаваць магчымасць перамяшчэння на электрасамакатах па веласіпедных дарожках, у тым ліку, калі яны ўладкаваны ў межах праезнай часткі, гэта значыць аддзелены ад яе канструктыўна", - сказаў Чарняўскі.

Што тычыцца руху такіх прылад па тратуарах ці пешаходных дарожках, такі рух не павінен перашкаджаць звычайным пераходам, удакладніў намеснік начальніка ДАІ.

"Гэта значыць, мы даем ім права перасоўвацца не па праезнай частцы, а па веласіпедных дарожках. Калі веласіпедная дарожка сумяшчаецца з пешаходнай, з тратуарам, то гэта таксама магчыма, але зноў жа - не ўскладняючы руху пешаходаў", - падкрэсліў Чарняўскі.

Поўную версію размовы з намеснікам начальніка рэспубліканскай Дзяржаўтаінспекцыі Андрэем Чарняўскім глядзіце ў відэатрансляцыі.

Тэги:
УДАІ МУС РБ, ПДР

Галоўныя тэмы