02:54 22 верасня 2019
«Радыё Sputnik»
  • USD2.04
  • EUR2.26
  • 100 RUB3.20
Галоўны трэнер Міхаіл Захараў
© Photo : журнал "Наш спорт"

Захараў: мінскае "Дынама" - брэнд краіны, але хакейная сістэма разваленая

Радыё
Атрымаць кароткую спасылку
710

Галоўны трэнер хакейнага клуба "Юнацтва-Мінск" Міхаіл Захараў пракаментаваў вынікі Кубка Салея, дзе яго каманда перамагла, а мінскае "Дынама" заняло чацвёртае месца.

 

Кубак Салея праходзіў у мінулыя выхадныя ў Оршы па сістэме "фіналу чатырох". Сталічныя "дынамаўцы" атрымалі на гэты турнір wild card. Заўзятары чакалі, што каманда КХЛ пакажа клас прадстаўнікам беларускага чэмпіянату. Выйшла зусім наадварот, але Міхаіл Захараў не ўбачыў у гэтым нічога дзіўнага.

 

"Справа не ў мінскім "Дынама", а ў нашым беларускім хакеі. Сістэма разваленая, мне шкада гэтых трэнераў. Яны спрабуюць, працуюць, але не з кім. Так не можа быць, што чацвёртае месца займае мінскае "Дынама". Гэта няправільна. Гэта брэнд краіны, лепшыя гады мае прайшлі ў гэтай камандзе", - адзначыў Захараў у эфіры АНТ.

Мінскае "Дынама" прайграла гродзенскаму "Нёману" ў матчы за трэцяе месца. Кубак Салея дастаўся сталічнаму "Юнацтва", якое ў вырашальным паядынку было мацней за "Дынама-Маладзечна".

Нагадаем, вясной у СМІ актыўна абмяркоўваліся чуткі пра магчымае прызначэнне Міхаіла Захарава галоўным трэнерам мінскага "Дынама". Але заўзятары "зуброў" выказаліся рашуча супраць яго прыходу і нават прыгразілі байкатаваць матчы з удзелам "бела-сініх".

У мінулым сезоне мінчане занялі 11-е месца на Захадзе і не выйшлі ў плэй-оф КХЛ. Амаль адразу пасля гэтага па ініцыятыве Аляксандра Лукашэнкі была арганізавана серыя паміж "Дынама" і зборнай Экстралігі, у склад якой увайшлі пераважна гульцы "Юнацтва". Як тлумачыў тады прэзідэнт, пераможца прадставіць Беларусь у чарговым сезоне КХЛ. Серыю выйгралі "дынамаўцы".

Тэги:
Беларусь, Хакей

Галоўныя тэмы