16:24 22 студзеня 2020
«Радыё Sputnik»
  • USD2.12
  • EUR2.35
  • 100 RUB3.42

Юрыст: паняцце фрыланс у нашым заканадаўстве адсутнічае

Радыё
Атрымаць кароткую спасылку
13 0 0

Як зменіцца жыццё беларусаў пасля абнаўлення Працоўнага кодэкса, тлумачыць начальнік галоўнага ўпраўлення юрыдычнай працы і прававога забеспячэння Федэрацыі прафсаюзаў Беларусі Марына Лазар.

Змены ў Працоўны кодэкс уступяць у сілу ў Беларусі з 28 студзеня. І нас чакаюць адразу некалькі новаўвядзенняў. Напрыклад, цяпер мужчынам будуць прадастаўляць водпуск па догляду за дзіцем. Айцы змогуць сысці ў "дэкрэт" на 14 дзён на працягу шасці месяцаў пасля нараджэння дзіцяці, такая норма замацаваная заканадаўча. Раней гэтае пытанне вырашалася па меркаванні наймальніка. Чакаюць змены і тых, хто працуе дыстанцыйна.

"Калі ўступяць змены ў Працоўны кодэкс, такія работнікі будуць абаронены з пункту гледжання працоўнага заканадаўства. З імі ў абавязковым парадку павінен заключацца працоўны дагавор. І ўсе гарантыі, якія прадастаўляюцца заканадаўствам з улікам асаблівасцяў, якія рэгулююцца Працоўным кодэксам, будуць такім работнікам прадастаўлены", - распавяла Марына Лазар у эфіры тэлеканала СТБ.

Пракаментавала яна і прапанову аб пераходзе на чатырохдзённы працоўны тыдзень. Па словах юрыста, пакуль ва ўсім свеце на такі крок ідуць, у асноўным, у IT-кампаніях. А таму казаць пра ўсі сферы дзейнасці чалавека пакуль заўчасна.

Каментар начальніка галоўнага ўпраўлення юрыдычнай працы і прававога забеспячэння Федэрацыі прафсаюзаў Беларусі Марыны Лазар слухайце ў аўдыёзапісы на радыё Sputnik Беларусь.

Галоўныя тэмы