Нагадаем, Літва папрасіла МАГАТЭ ўмяшацца ў "непрымальную сітуацыю" з БелАЭС. Мінск нібыта не выканаў рэкамендацыі экспертаў па забеспячэнні ядзернай бяспекі станцыі. На самай справе Літву хвалюе толькі тое, што БелАЭС знаходзіцца занадта блізка да літоўскай мяжы, адзначыў Сяргей Кандрацьеў у каментары для Sputnik Літва.
"Але я не бачу тут нейкай сур'ёзнай праблемы. Калі абстрагавацца ад гэтай сітуацыі і казаць пра тое, наколькі ў свеце, еўрапейскім рэгіёне наладжана адсочванне інцыдэнтаў на ядзерных аб'ектах, мы можам успомніць апошнія некалькі гадоў, калі нават невялікія змены радыяцыйнага фону на аб'ектах у Расіі, Украіне, у краінах Усходняй Еўропы досыць хутка станавіліся вядомыя, гэта немагчыма было схаваць. Гэта адсочванне, якое займае некалькі хвілін", - разважае Кандрацьеў.
За прэтэнзіямі Вільнюса эксперт бачыць толькі жаданне прыцягнуць увагу да пытання Беларускай АЭС. І на працягу часу, які застаецца да запуску станцыі, мы напэўна яшчэ не раз ўбачым такія спробы.
Каментар старэйшага эксперта Інстытута энергетыкі і фінансаў Сяргея Кандрацьева слухайце ў аўдыёзапісы на радыё Sputnik Беларусь.
Чытайце таксама:
- Беларусь пачне загрузку ядзернага паліва на АЭС у ліпені
- Беларусь вядзе перамовы з РФ аб карэкціроўцы ўмоў крэдыту на будаўніцтва АЭС
- Ядзернае паліва складае 20% ад сабекошту энергіі на АЭС - Мінэнерга
