19:22 29 верасня 2020
«Радыё Sputnik»
  • USD2.64
  • EUR3.08
  • 100 RUB3.31

Коктыш: Беларусь адчувальна пакарае Літву, калі перанакіруе грузы ў Латвію

Радыё
Атрымаць кароткую спасылку
18 0 0

Літва страціла ўсё, што магла, у сітуацыі з транзітам беларускіх грузаў, лічыць дацэнт кафедры палітычнай тэорыі МДІМА Кірыл Коктыш.

Коктыш: Беларусь ощутимо накажет Литву, если перенаправит грузы в Латвию

Нагадаем, Аляксандр Лукашэнка паабяцаў дзеянні ў адказ на санкцыі з боку іншых краін. У прыватнасці, ён даручыў ураду ўнесці прапанову аб пераарыентацыі ўсіх гандлёвых патокаў з партоў Літвы на іншыя. Вільнюс сапраўды вельмі моцна залежыць ад беларускіх грузаў, адзначыў у інтэрв'ю Sputnik Літва палітолаг, дацэнт кафедры палітычнай тэорыі МДІМА Кірыл Коктыш.

"Паміж Літвой і Латвіяй ідзе канкурэнцыя за тое, праз чые порты пойдзе беларускі транзіт. Латвія, дыстанцуючыся ад беларускіх падзей, на бліжэйшы час апынецца ў выйгрышы. Беларускія грузы пойдуць праз Латвію, а Літва панясе істотныя страты", - мяркуе суразмоўца Sputnik.

Паводле яго слоў, у першую чаргу гаворка пра кампанію "Беларуськалій" - аднаго з глабальных пастаўшчыкоў калійных угнаенняў у свеце. Грузы ў іх істотныя, а транспартнае "плячо" праз Літву і Латвію практычна аднолькавае. Прынамсі, пакуль. І ўжо становіцца відавочна, што ў выйгрышы апынуцца ў выніку менавіта латышы.

"Яны (літоўскія ўлады - Sputnik) ужо прайгралі, яны ўжо не атрымаюць назад. Яны ўжо зрабілі ўсе крокі, якія толькі маглі зрабіць. Літва разам з Польшчай стала адным з цэнтраў планавання аперацыі супраць Беларусі. Зваротныя санкцыі - рэч абсалютна запраграмаваная", - дадае Коктыш.

Заявы Лукашэнкі пракаментаваў міністр замежных спраў Літвы. Лінас Лінкявічус лічыць, што беларускі лідэр цяпер "ідзе ва-банк і абараняецца ўсімі зразумелымі яму спосабамі". Раней МЗС Літвы паведаміла, што больш за 100 службовых асоб Беларусі, уключаючы Аляксандра Лукашэнку, унесены ў спіс асобаў, у дачыненні да якіх Вільнюс мае намер прымяніць санкцыі.

Каментар дацэнта кафедры палітычнай тэорыі МДІМА Кірыла Коктыша слухайце ў аўдыёзапісе на радыё Sputnik Беларусь.

Галоўныя тэмы