Пра гэта спецыяліст заявіў падчас анлайн-канферэнцыі аб бягучай сітуацыі з каронавіруснай інфекцыяй ў Расіі і свеце, якая адбылася ў ММПЦ МІА "Россия сегодня".
Цяпер усё больш з'яўляецца работ медыкаў аб тым, што антыцелы і клеткавы імунітэт праз нейкі час знікаюць, і праз 6 месяцаў практычна ўжо няма антыцелаў і імунітэту супраць каронавіруснай інфекцыі, адзначыў спецыяліст і пракаментаваў такія папярэднія высновы калегаў.
"Безумоўна, гэтая праца будзе працягвацца і далей, будзе набірацца пэўны вопыт. Мы зараз толькі каля сямі месяцаў жывем з COVID-19, зараз заражаюцца людзі, па ўсёй бачнасці, сярод іх ёсць і тыя, хто другі раз хварэе, тым больш кажуць, што хто ў лёгкай форме перахварэў, яны не маюць той імунітэт, які можа абараняць. Дадзеныя назапашваюцца", - распавёў Малышаў.
Спецыяліст пракаментаваў таксама, калі і пры якіх абставінах пандэмія можа завяршыцца. Па словах Малышава, "у гэтым няма ніякай таямніцы, лічыцца, што калі 75-80% насельніцтва мае імунітэт, то эпідэмія згасае, гэта датычыцца і каронавіруса, і іншых інфекцый", сказаў урач.
"Самае галоўнае - каб потым была вакцына, прычым вакцын павінна быць шмат і розных. Кожная - спецыфічная, далей будзе відаць. Чым больш вакцын, тым больш магчымасцяў", - рэзюмаваў прафесар.
