07:57 03 снежня 2020
«Радыё Sputnik»
  • USD2.59
  • EUR3.12
  • 100 RUB3.42

Як непрызнанне заходніх дыпломаў адаб'ецца на адукацыі ў Беларусі - эксперт

Радыё
Атрымаць кароткую спасылку
1010

Калі чалавек атрымаў ступень магістра ў Варшаве, але раскручвае рэйкі на беларускай чыгунцы, то дыплом яму не патрэбны, яму месца ў страйбаце, лічыць прэзідэнт Расійскай асацыяцыі прыбалтыйскіх даследаванняў Мікалай Мяжэвіч.

Почему нет смысла не признавать иностранные дипломы в Беларуси – эксперт

Нагадаем, прэзідэнт Беларусі раней даручыў ураду прыняць меры аб непрызнанні дыпломаў, атрыманых беларусамі ў замежных ВНУ. Каментуючы навучанне за мяжой, Лукашэнка адзначыў, што нашым студэнтам там "мазгі прамыюць", а потым нам іх "падкінуць як пятую калону".

Як навучанне за межамі Беларусі можа паўплываць на моладзь, і што цяпер рабіць з замежнымі дыпломамі, пракаментаваў палітычны эксперт, кіраўнік Цэнтра беларускіх даследаванняў Інстытута Еўропы РАН, прафесар СПБГУ Мікалай Мяжэвіч.

"Прамыць можна толькі тое, што ёсць. Калі няма мазгоў, то прамывай ці не прамывай - нічога не атрымаецца. Другое. Узаемнае прызнанне дыпломаў - далёка не аўтаматычнае з'ява ў сучаснай Еўропе. Пытанне дэталёва вывучана мной з Эстоніяй, Латвіяй, Літвой. Як правіла , ёсць выйсце: індывідуальнае прызнанне дыпломаў. Калі Іваноў, Пятроў, Пятрэнка або Петранкевіч атрымалі дыплом у Варшаве, то спецыяльная камісія павінна гэты дыплом разгледзець", - разважае Мяжэвіч.

Паводле яго слоў, калі нейкі канкрэтны студэнт ці малады чалавек накіраваны антыдзяржаўным чынам, ён наўрад ці за адзін дзень зменіць сваё стаўленне. І сітуацыя з дыпломам ніяк на яго не паўплывае.

"Вельмі небяспечна вешаць на дзверы стайні замок пасля таго, як з яе ўжо скралі каня. Той, хто накіраваны так ці інакш антыдзяржаўным чынам, ён ужо ўсё роўна так накіраваны. І наўрад ці непрызнанне дыплома можа паўплываць на гэтую сітуацыю. Калі чалавек, умоўна кажучы, атрымаў ступень магістра ў Варшаўскім універсітэце, а злоўлены ў той момант, калі ён развінчвае рэйкі на беларускай чыгунцы, на мой погляд, такому чалавеку дыплом не патрэбны. Яму месца ў страйбаце, каб гэтыя рэйкі назад прышрубоўваць", - лічыць суразмоўца Sputnik.

Нагадаем, у кастрычніку міністр адукацыі Беларусі Ігар Карпенка наведваў ВНУ ў Мінску, дзе знаёміўся "з рамонтнымі, рэстаўрацыйнымі і аздобнымі працамі". Ён адзначыў, што беларуская вышэйшая адукацыя знаходзіцца на годным узроўні, што падкрэслівае нарастаючы экспарт адукацыйных паслуг. Паводле яго слоў, цяпер у беларускіх ВНУ вучацца каля 26 тысяч студэнтаў з 107 краін, большасць замежнікаў - з Кітая, Расіі і іншых краін былога СССР.

Каментар прэзідэнта Расійскай асацыяцыі прыбалтыйскіх даследаванняў Мікалая Мяжэвіч слухайце ў аўдыёзапісы на радыё Sputnik Беларусь.

Тэги:
Беларусь, ВНУ

Галоўныя тэмы