05:35 24 верасня 2020
«Радыё Sputnik»
  • USD2.59
  • EUR3.03
  • 100 RUB3.39
Рэлігія
Атрымаць кароткую спасылку
1501

У сувязі з трагічнымі падзеямі ў храме Светлагорска Епархіяльны савет прыняў рашэнне адмяніць вялікодныя мерапрыемствы, запланаваныя на 14 мая.

МІНСК, 26 кра — Sputnik. Пратаіерэй Уладзімір Сямёнаў вызвалены ад пасады благачыннага цэркваў Светлагорскай акругі пасля трагедыі ў храме Светлагорска, паведамілі Sputnik ў Гомельскай епархіі.

На мінулым тыдні ў Петрапаўлаўскім храме Светлагорска былі знойдзены целы 31 і 34-гадовых жыхароў Гомеля. Паводле інфармацыі следства, прыкмет гвалтоўнай смерці не было выяўлена, мяркуецца, што мужчыны праводзілі ў храме рамонтныя работы.

У сувязі з трагедыяй было склікана пасяджэнне Епархіяльнага савета, на якім было прынята рашэнне "вызваліць протаіерэя Уладзіміра Сямёнава ад пасады благачыннага цэркваў Светлагорскай акругі".

Таксама Гомельская епархія прынесла бацькам і сем'ям загінулых спачуванні і пастанавіла "імёны нябожчыкаў Алексія Свірыноўскага і Дзяніса Тамашова ўнесці ў сінодзіку прыходаў Гомельскай епархіі для пастаяннага памінання падчас Боскай Літургіі".

Таксама на пасяджэнні рады было прынята рашэнне стварыць епархіяльную камісію па ахове працы.

Паведамляецца, што вызвалены ад пасады протаіерэй на пасяджэнне Епархіяльнага савета не з'явіўся.

Тэги:
Здарэнні, Светлагорск, Гомельская вобласць, Беларусь

Галоўныя тэмы