05:30 16 кастрычніка 2018
«Радыё Sputnik»
  • USD2.12
  • EUR2.46
  • 100 RUB3.23
Апостальскі нунцый у Беларусі арцыбіскуп Габар Пінтэр

Ватыкан і Беларусь не адмовіліся ад ідэі канкардату, работа яшчэ ідзе

© Sputnik / Виктор Толочко
Рэлігія
Атрымаць кароткую спасылку
19 0 0

Ватыканскі дыпламат адзначыў добры кантакт паміж Святым Прастолам і беларускімі ўладамі, а таксама гнуткасць ўрада Беларусі і адкрытасць беларускага лідэра.

МІНСК, 3 сту — Sputnik. Апостальская сталіца і Беларусь працягваюць дыялог з нагоды заключэння канкардату, але працы будзе яшчэ шмат, заявіў апостальскі нунцый у Беларусі арцыбіскуп Габар Пінтэр у інтэрв'ю, апублікаваным на сайце Рыма-каталіцкай царквы ў Беларусі.

Абмеркаванне магчымага заключэння канкардату паміж Ватыканам і Беларуссю вядуцца ўжо не першы год. Канкардат — гэта пагадненне паміж Папам Рымскім як кіраўніком Апостальскай Сталіцы з якой-небудзь дзяржавай. Дакумент рэгулюе прававое становішча Рымска-каталіцкай царквы ў краіне. Пагадненне аб супрацоўніцтве паміж урадам Беларусі і Беларускай праваслаўнай царквой было заключана каля 15 гадоў таму.

"Работа над канкардатам не скончана, але яна абсалютна дакладна і не адменена. Намеры заключыць міжнародны дагавор паміж Ватыканам і Беларуссю пастаянна выказваюцца", — падкрэсліў дыпламат.

Па словах арцыбіскупа Пінтэра, пытанне заключэння канкардату вельмі складанае. Ён адзначыў, што пагадненне павінны тысячу раз праверыць, таму што яно суадносіцца і з заканадаўствам краіны.

"Канкардат прадугледжвае шырокі дагавор, які ўлічвае мноства тонкіх пытанняў. Напрыклад, у сацыяльным жыцці — гэта служэнне святароў у турмах, у войску, у школе", — растлумачыў кіраўнік дыпламатычнага прадстаўніцтва Святога Прастолу.

Нунцый таксама закрануў ўзаемаадносіны Ватыкана і кіраўніцтва Беларусі.

"У нас наладжаны вельмі добры кантакт з беларускімі ўладамі. За гэты непрацяглы тэрмін, які я тут знаходжуся, я адчуў гнуткасць ўрада Беларусі. Там вельмі адкрытыя людзі, з якімі можна казаць аб любых рэчах. Я таксама адчуў адкрытасць вашага прэзідэнта", — заявіў апостальскі нунцый.

Ён падкрэсліў: галоўныя каштоўнасці і асноўныя задачы, якія ставяць перад сабой Беларусь і Ватыкан, напрыклад, у знешняй палітыцы, "у той ці іншай меры супадаюць".

Для таго каб візіт папы рымскага ў Беларусь адбыўся, Ватыкан павінен пераканацца, што яго прыезд будзе ўсімі аднолькава станоўча успрыняты, адзначыў нунцый.

Тэги:
Рэлігіёзныя лідэры, Рэлігія, Рымска-каталіцкая царква, Габар Пінтэр, Беларусь
Правілы карыстанняКаментары

Галоўныя тэмы