10:38 24 жніўня 2019
«Радыё Sputnik»
  • USD2.06
  • EUR2.28
  • 100 RUB3.13
Святкаванне Дабравешчання Прасвятой Багародзіцы

Дабравешчанне: белыя лілеі, жыватворны хлеб і забарона на працу

© Sputnik / Александр Кондратюк
Рэлігія
Атрымаць кароткую спасылку
3420

Дзень напярэдадні праваслаўнага Дабравешчання ў народзе называўся Камаедзіцай, гэта старажытнае славянскае свята, калі пачыталі гаспадара лесу – мядзведзя.

МІНСК, 6 кра — Sputnik. Праваслаўная царква адзначыць 7 красавіка адно з галоўных святаў — Дабравешчанне Прасвятой Багародзіцы, у храмах будзе здзейснены асаблівы чын хлебапераламлення, паведамілі ў БПЦ.

Дабравешчанне Прасвятой Багародзіцы — адзін з дванаццаці непераходзячых святаў, штогод яно адзначаецца ў адзін і той жа дзень — 7 красавіка.

"Напярэдадні, 6 красавіка ў храмах пройдзе ўсяночнае дбанне. У Мінскім Свята-Духавым кафедральным саборы ўсяночнае дбанне пачнецца ў 18:00, яго адслужыць прадстаяцель БПЦ мітрапаліт Мінскі і Заслаўскі Павел", — паведамілі Sputnik у чацвер у Беларускім экзархаце.

В Благовещение Пресвятой Богородицы митрополит Минский и Заславский Павел, Патриарший Экзарх всея Беларуси, архиепископ Новогрудский и Слонимский Гурий и епископ Лидский и Сморгонский Порфирий
У Дабравешчанне Прасвятой Багародзіцы мітрапаліт Мінскі і Заслаўскі Павел, Патрыяршы Экзарх усяе Беларусі, архібіскуп Навагрудскі і Слонімскі Гурый і біскуп Лідскі і Смаргонскі Парфірый

Боская літургія 7 красавіка, якую таксама адслужыць мітрапаліт Павел, пачнецца а 10-й гадзіне, удакладнілі ў БПЦ. У храмах у гэты дзень здзяйсняецца асаблівы чын хлебапераламлення, пасля чаго "жыватворныя" хлеб і віно — сімвал цела і крыві Хрыста — раздадуць парафіянам.

Белыя лілеі

Біблейская гісторыя ўзнікнення свята такая: у гэты дзень да Дзевы Марыі спусціўся архангел Гаўрыіл і паведаміў, што на яе "сыдзе дух Святы і народзіцца сын божы Ісус".

Паводле Евангелля архангел, калі зявіўся Марыі, трымаў у руках белую лілею, якая сімвалізуе чысціню і бязгрэшнасць, у гэтай сувязі практычна на ўсіх дабравешчанскіх абразах намаляваны белыя лілеі, распавялі святары Sputnik.

Яны таксама патлумачылі, чаму Дабравешчанне прыпадае заўсёды на 7 красавіка. "Ад Раства Хрыстова адлічылі 9 месяцаў назад", — сказалі святары.

Практычна заўсёды 7 красавіка прыпадае на Вялікі пост, але на Дабравешчанне царкоўны статут дазваляе есць рыбу, сказалі ў Экзархаце.

Забарона на працу

Як паведамілі Sputnik этнографы, народная традыцыя абвяшчае, што праца ў гэты дзень лічыцца цяжкім грахом. У сувязі з гэтай забаронай ёсць мноства прымавак:

  • "На Дабравешчанне птушка гнязда не ўе, а дзеўка касы не пляце";
  • "На Дабравешчанне на суровае прадзіва не глядзяць";
  • "Зязюля без гнязда за тое, што свіла яго на Дабравешчанне".

Са слоў святароў, паводле народных павер'яў, як дзень 7 красавіка правядзеш, так і ўвесь год жыць будзеш.

"Калі на Дабравешчанне ты здаровы, сыты, добра апрануты і з грашыма, то ўсё гэта не переведется ўвесь год, верылі ў народзе", — сказалі этнографы.

Камаедзіца

Этнографы таксама распавялі, што дзень напярэдадні Дабравешчання ў народзе называлі Камаедзіцай і ставіліся да гэтага дня "вельмі насцярожана ў сэнсе забароны на працу".

"Не так бойся Дабравешчання, як яго бацькі", — казалі нашы продкі і накладвалі забарону на вязанне, ткацтва, іншую працу па хаце.

Камаедзіца лічыцца старажытным славянскім святам пакланення гаспадару лясоў — мядзведзю. Лічылася, што менавіта ў гэты дзень мядзведзі выходзяць з бярлогаў, распавялі этнографы.

Тэги:
Дабравешчанне Прасвятой Багародзіцы, Праваслаўе, Рэлігія, БПЦ, Беларусь

Галоўныя тэмы