МІНСК, 13 лют — Sputnik. Каталіцкая царква адзначае 14 лютага Пепельную сераду, на гэты дзень прыпадае пачатак Вялікага посту, паведамілі ў Рымска-каталіцкай царкве.
Светлае Хрыстова Уваскрасенне сёлета каталікі святкуюць 1 красавіка, за тыдзень да праваслаўнага Вялікадня.
"Ва ўсіх каталіцкіх храмах у гэты дзень пройдуць імшы, падчас якіх святар пасыпае галовы вернікаў попелам і кажа: "Пакайцеся і верце ў Евангелле". Таму гэта серада і называецца Пепельнай. Пост у каталікоў заўсёды пачынаецца ў Пепельную сераду", — паведамілі Sputnik у аўторак у РКЦ.
Там таксама адзначылі, што Вялікі пост з'яўляецца перыядам агульнага пакаяння, у гэты час варта адмовіцца ад удзелу ў забаўляльных мерапрыемствах і абмежаваць сябе ў ежы.
Паводле каталіцкіх канонаў падчас Вялікага посту ад ужывання мяса павінны ўстрымлівацца вернікі па пятніцах і серадах — гэта патрабаванне тычыцца вернікаў, якія дасягнулі 14-гадовага ўзросту.
Вялікі пост у каталікаў заканчваецца перад імшой Вячэрні Гасподняй у Вялікі чацвер. Гэтай імшой пачынаецца Велікодны Трыдыум.
