13:43 12 снежня 2018
«Радыё Sputnik»
  • USD2.13
  • EUR2.42
  • 100 RUB3.20
Святар царквы ў Глыбоцкім раёне атрымаў штраф за яе рамонт

Святар царквы ў Глыбоцкім раёне атрымаў штраф за яе рамонт

© Sputnik / Игорь Подгорный
Рэлігія
Атрымаць кароткую спасылку
020

Грошы на рамонт збіралі прыхаджане, яны ж аказвалі пасільную дапамогу ў аднаўленні будынка.

МІНСК, 28 ліс - Sputnik. Настаяцель храма Праабражэння Гасподняга, размешчанага ў Глыбоцкім раёне, атрымаў штраф за самавольны рамонт царквы, паведамілі ў аўторак у эфіры тэлеканала СТБ.

Дах царквы, якая знаходзіцца ў вёсцы Верхняе, пачаў разбурацца год таму. Грошы на рамонт збіралі прыхаджане, яны ж аказвалі пасільную дапамогу ў аднаўленні будынка.

Аднак за самавольна зроблены рамонт настаяцель - іерэй Пётр Дайлідзёнак атрымаў штраф, паколькі працы ў царкве праводзіліся без адпаведнага праекта. На афармленне неабходных папер, па словах святара, сабраных сродкаў не хапіла.

"Вядома, па літары закону закон быў парушаны. Але па духу закон быў не парушаны, а выкананы. Гэта значыць, мэта закона - ахоўваць помнікі архітэктуры, у дадзеным выпадку наш храм", - сказаў пробашч.

У Міністэрстве культуры прызналі, што сітуацыя, якая склалася ў Высокім, з'яўляецца неадназначнай, але канстатавалі - да адміністрацыйнай адказнасці святара прыцягнулі ў адпаведнасці з патрабаваннямі заканадаўства.

Храм Праабражэння Гасподняга быў узведзены ў 1886 годзе. У 1961-м царкву зачынілі і аддалі пад склад. Храм быў вернуты вернікам у 1989 годзе, тады ж у ім аднавіліся набажэнствы. Апошні рамонт у будынку праводзіўся ў 2003-м.

Тэги:
царква

Галоўныя тэмы