09:40 15 кастрычніка 2019
«Радыё Sputnik»
  • USD2.05
  • EUR2.26
  • 100 RUB3.19
Мітрапаліт Мінскі і Заслаўскі Павел

Мітрапаліт Павел увесь тыдзень будзе служыць у галоўным праваслаўным храме

© Sputnik / Виктор Толочко
Рэлігія
Атрымаць кароткую спасылку
Сустракаем Вялікдзень (43)
3310

У Вялікую сераду вернікі пойдуць у храмы на споведзь перад Вялікаднем, а ў чацвер у кафедральных храмах архірэі абмыюць ногі святарам, як Ісус абмыў ногі 12 вучням перад Тайнай Вячэрай.

МІНСК, 23 кра - Sputnik. Мітрапаліт Мінскі і Заслаўскі, Патрыяршы экзарх Беларусі Павел узначаліць службы на Страсным тыдні ў галоўным праваслаўным храме Беларусі, паведамілі ў Мінскім епархіяльным упраўленні.

Праваслаўны свет адзначыць Вялікдзень 28 красавіка, з панядзелка пачалася Страсная сядміца. Падчас кожнага з 6 дзён у храмах праходзіць адмысловая служба, якая мае асаблівы сэнс. У аўторак увечары ў храмах падчас набажэнстваў узгадваюць прароцтва аб Страшным Судзе, а з серады пачынаюцца службы аб страсцях Хрыстовых. На службах узгадваюцца апошнія дні зямнога жыцця Хрыста - яго пакуты, распяцце, смерць на крыжы і пахаванне. Пост у вернікаў ужо скончыўся, але яны ўсё роўна строга прытрымліваюцца правілаў устрымання, многія пераходзяць на хлеб і ваду. Святары падчас гэтай службы апранутыя ў цёмнае адзенне, аж да самага Вялікадня.

"Пачынаючы з серады і да Светлага Хрыстовага Уваскрасення Уладыка Павел будзе кожны дзень служыць у Свята-Духавым кафедральным саборы ў Мінску", - паведамілі Sputnik у аўторак у Мінскай епархіі.

Па словах святароў, у Вялікую Сераду ў 09:00 мітрапаліт узначаліць літургію Ранейасвечаных Дароў.

"Гэта асаблівая служба, якая здзяйсняецца толькі раз у год", - сказалі ў БПЦ.

У сераду ў храмах падчас чытання свяшчэннага пісання "ганяць срэбралюбства і здраду Іуды", акрамя гэтага ў гэты дзень на вячэрняй службе здзяйсняецца таемства споведзі. З серады на Страсным Тыдні спыняюцца ў храмах зямныя паклоны - да самой Тройцы, распавялі святары, удакладніўшы, што на працягу больш за 50 дзён зямныя паклоны дазволеныя толькі перад Плашчаніцай з абліччам спачылага Хрыста.

Чын абмывання ног

У Вялікі чацвер мітрапаліт Павел а 10-й узначаліць ў галоўным праваслаўным храме Боскую літургію, у гэты дзень у цэрквах успамінаюць падзеі Тайнай Вячэры. Па традыцыі ў кафедральных храмах архірэі здзяйсняюць чын абмывання ног святарам, па прыкладзе Езуса Хрыста, які перад Тайнай Вячэрай абмыў ногі сваім 12 вучням-апосталам, распавялі ў БПЦ.

У чацвер, у 18:00 у кафедральным саборы мітрапаліт Павел таксама ўзначаліць Ютрань, на якой чытаюцца 12 Евангелляў Святых Пакутаў, сказалі святары.

Вялікая Пятніца

У Вялікую Пятніцу літургій ў храмах не бывае, у памяць аб журботных падзеях на Галгофе, дзе Ісуса ўкрыжавалі. У 14:00, у пятніцу ў кафедральным саборы мітрапаліт мінскі і Заслаўскі Павел узначаліць Вялікую вячэрню з чынам вынасу Плашчаніцы, распавялі святары. Па іх словах, пятніца - гэта дзень найстрогага посту, есці нельга да самага вечара, пакуль не вынесуць плашчаніцу на сярэдзіну храма для глыбокай пашаны.

У пятніцу, а 18-й, мітрапаліт Павел узначаліць ютрань з чынам пахавання Збавіцеля.

Велікодная ежа перад асвячэннем
© Sputnik / Виктор Толочко

Вялікая Субота

У гэты дзень, калі ў храмах адбываецца асвячэнне велікоднай ежы, прадстаяцель БПЦ у 10:00 у Свята-Духавым саборы ўзначаліць Боскую літургію, а ў 23:10 - службу перад надыходам Вялікадня, яна называецца Велікодная ўсяночная. У 23:45 пачнецца Хросны ход, а затым - Велікодная ютрань і Боская літургія.

Вялікдзень

На Вялікдзень мітрапаліт Мінскі і Заслаўскі Павел а 17-й адслужыць святочную велікодную Вячэру ў Свята-Духавым кафедральным саборы, а ў панядзелак раніцай узначаліць Боскую літургію ў адным з самых вядомых мінскіх храмаў - царкве Вернага князя Аляксандра Неўскага.

Тэмы:
Сустракаем Вялікдзень (43)
Тэги:
Вялікдзень, Рэлігія, Беларусь, Мітрапаліт Мінскі і Заслаўскі Павел

Галоўныя тэмы