20:24 21 ліпеня 2019
«Радыё Sputnik»
  • USD2.03
  • EUR2.28
  • 100 RUB3.22
Кафедральны сабор на плошчы Свабоды

Праваслаўныя адзначаюць Сёмуху 16 чэрвеня

© Sputnik / Иван Руднев
Рэлігія
Атрымаць кароткую спасылку
5021

У гэты дзень на апосталаў, вучняў Хрыста, сышоў Святы Дух і яны атрымалі магчымасць прапаведаваць на розных мовах.

Праваслаўныя адзначаюць 16 чэрвеня адно з галоўных святаў царкоўнага календара — Сёмуху (Троіцу), гэты дзень лічыцца Днём нараджэння царквы.

Праваслаўная царква адзначае Дзень Святой Троіцы заўсёды ў нядзелю, на 50-ы дзень пасля Вялікадня, таму ён яшчэ называецца Пяцідзесятніца. Троіца адносіцца да ліку двунадзясятых святаў.

Напярэдадні, у суботу ўвечары, святары і вернікі ладзяць Хросны ход.

Устануць на калені

На Троіцу пасля Боскай літургіі здзяйсняецца адмысловая служба — святары і вернікі ўпершыню з Вялікадня ўстаюць у храмах на калені.

У гэты дзень чытаецца малітва "Цару Нябесны", а вечарам — укленчаныя малітвы.

Святары ў гэты дзень служаць у зялёных вопратках. Зялёны колер царква трактуе як колер ажыўлення і вечнага жыцця, растлумачылі ў БПЦ.

Святы Дух сышоў

У адпаведнасці з пісаннем, у гэты дзень на апосталаў, вучняў Хрыста, сышоў Святы Дух, ён і сімвалізуе трыадзінства Бога. Менавіта ў гэты дзень Бог даў магчымасць апосталам прапаведаваць на розных мовах. Людзям адкрылася адна з найвялікшых таямніц Божага быцця, калі яны ўбачылі, што Бог адзіны, але адзіны ў трох асобах.

Празднование Троицы, архивное фото
© Sputnik / Алексей Мальгавко
Святкаванне Троіцы

Што трэба і чаго нельга рабіць на Тройцу?

Да свята Сёмухі рыхтуюцца не толькі вернікі, але і храмы: іх прынята ўпрыгожваць галінкамі бярозы, кветкамі, свежаскошанага травой. Упрыгожыць так можна і сваю кватэру. Падобныя ўпрыгажэнні сімвалізуюць прыроду і вясну. Дарэчы, прынята лічыць, што менавіта пасля Троіцы пачынаецца сапраўднае лета.

Праваслаўныя адзначаюць Дзень Святой Троіцы ўрачыста і пышна, усе клопаты неабходна скончыць яшчэ да свята. Прынята на Сёмуху наведваць вячэрнюю або ранішнюю службу, а таксама праводзіць шмат часу са сваёй сям'ёй.

Празднование Троицы, архивное фото
© Sputnik / Алексей Мальгавко
Храмы прыбраюць кветкамі і галінкамі бярозы

Згодна з вучэннем Царквы, у дзень Троіцы нельга думаць аб дрэнным, жадаць благога блізкім ці крыўдзіцца на кагосьці. Вернікі ўпэўненыя: у гэты дзень у свеце адбываецца абнаўленне.

Не варта праводзіць на Тройцу вяселлі і вянчанні - па магчымасці іх трэба адкладаць на іншыя дні. Нельга на Троіцу і купацца ў рэках або азёрах - яшчэ з язычніцкіх часоў гэтыя дні называлі русалачымі: лічыцца, што купанні могуць быць небяспечныя.

Вядома ж, нельга на гэтае свята і займацца хатнімі справамі - напрыклад, вышываць ці прасці.

Адразу пасля Троіцы ў праваслаўных вернікаў пачынаецца Траецкая сядміца, або Сядміца суцэльная. У гэты тыдзень можна ёсць няпосную ежу толькі ў сераду і пятніцу. У першы дзень Суцэльнай сядміцы не рэкамендуюць і працаваць - у гэты раз свята выпадае на нядзелю, таму выканаць прадпісанні можна.

Пасля Троіцы ў панядзелак царква адзначае Духаў дзень.

Тэги:
Царкоўныя святы, Рэлігійныя святы, Рэлігія, БПЦ, Мінск, Беларусь

Галоўныя тэмы