Набажэнствы напярэдадні Вялікадня пакажуць па тэлебачанні

© Sputnik / Виктор ТолочкоКожнаму дасталася часцінка Жыватворнага агню
Кожнаму дасталася часцінка Жыватворнага агню - Sputnik Беларусь
Падпісацца
Усяго на каналах Белтэлерадыёкампаніі будуць паказаныя 11 набажэнстваў - як для каталікоў, так і для праваслаўных.

МІНСК, 8 кра - Sputnik. Прамыя трансляцыі велікодных набажэнстваў каталіцкай і праваслаўнай цэркваў пакажуць у эфіры беларускага тэлебачання, расказалі Sputnik у прэс-службе Белтэлерадыёкампаніі.

Вербніца на Святой гары - Sputnik Беларусь
Фота
Вербніца на Святой гары ў Ашмянах: з-за COVID-19 крыж застаўся ў храме

На фоне распаўсюджвання каронавіруса многія, у тым ліку вернікі, хочуць засцерагчы сябе. Для выконваючых сацыяльнае дыстанцыяванне і самаізаляцыю арганізаваны прамыя трансляцыі велікодных набажэнстваў - і ў каталікоў, і ў праваслаўных.

Так, у чацвер 9 красавіка ў сем гадзін вечара на тэлеканале "Беларусь 3" пачнецца прамая трансляцыя набажэнства ў Вялікі чацвер з архікафедральнага касцёла Найсвяцейшай Панны Марыі ў Мінску. У пятніцу 10 красавіка ў 23:20 на гэтым жа тэлеканале пройдзе прамая трансляцыя Крыжовага Шляху з Рымскага Калізея з удзелам Папы Рымскага Францыска.

Вечарам 11 красавіка, а 21:45, у эфіры "Беларусь 1" і "Беларусь 24" пакажуць трансляцыю набажэнства на Вялікдзень з архікафедральнага касцёла Найсвяцейшай Панны Марыі ў Мінску. У нядзелю 12 красавіка ў 16:20 на "Беларусь 3" будзе транслявацца велікоднае пасланне і благаславенне "Гораду і свету" Папы Рымскага.

Прамая трансляцыя літургіі на праваслаўную Вербніца будзе паказана па "Беларусь 3" у нядзелю ў 09:50.

Трансляцыю Чыну амавення ног у праваслаўны Вялікі чацвер пакажуць апоўдні 16 красавіка. У пятніцу 17 красавіка на тым жа тэлеканале ў прамым эфіры будзе ісці Вячэрня з вынасам Плашчаніцы з Мінскага Свята-Духава кафедральнага сабора.

У наступную пятніцу ў 19:00 у эфіры "Беларусь 3" адбудзецца трансляцыя ютрані з чынам пахавання Плашчаніцы з Мінскага Свята-Духава кафедральнага сабора. У нядзелю ў 13:15 па "НТБ-Беларусь" пройдзе прамая трансляцыя з храма Гроба Гасподняга ў Ерусаліме з сыходжаннем Жыватворнага агню.

Нарэшце, 18 мая а 23:45 па "Беларусь 1" і "Беларусь 24" будзе паказаная прамая трансляцыя святочнага богаслужэння з Мінскага Свята-Духава кафедральнага сабора.

Стужка навiн
0