03:13 24 чэрвеня 2021
«Радыё Sputnik»
  • USD2.54
  • EUR3.03
  • 100 RUB3.49
Рэлігія
Атрымаць кароткую спасылку
49 0 0

Ён з'яўляецца копіяй знакамітай Дзівееўскай іконы, перад якой маліўся вялебны Серафім Сароўскі.

МІНСК, 24 траўня - Sputnik. Праваслаўныя святары даставілі ў храм прападобнага Сергія Раданежскага пасёлка Туголіца Бабруйскага раёна міратачывы абраз Божай Маці "Замілаванне", паведаміў партал цэнтра асветы і міласэрнасці Беларускага экзархата sobor.by.

Багародзічны Лакоцкі абраз з'яўляецца адзіным у свеце двухбаковым міратачывым.

"Абраз будзе знаходзіцца ў храме прападобнага Сергія Раданежскага да 28 траўня. Затым яго даставяць для пакланення ў адзін з праваслаўных храмаў Барысава", - паведаміў партал.

Цудатворны абраз з'явіўся сваім цудаздзяйсненнямі ў адной набажнай сям'і пасёлка Локаць Бранскай вобласці, а 2 лістапада 1999 года абраз заміраточыў, і ў Бранскую вобласць пачалі сцякацца паломнікі з суседніх абласцей, а таксама з Беларусі і Украіны.

 Обратная сторона иконы, на которой просматривается Нерукотворный Образ Божией Матери
Адваротны бок іконы, на якой праглядаецца Нерукатворны Вобраз Божай Маці

Акрамя мноства цудаў, абраз вядомы тым, што на яго адваротным баку выявіўся Нерукатворны Вобраз Божай Маці. А на ім яшчэ праглядаецца аблічча Ісуса Хрыста як на Турынскай плашчаніцы. Па наяўных сведчаннях, абраз багата міраточыць з рознымі духмянасцямі.

Як распавядаюць святары, абраз Божай Маці "Замілаванне" Лакоцкі часта бяруць у паломніцтва, з ім праводзяць шматдзённыя хросныя хады.

Абраз Божай Маці "Замілаванне" (Лакоцкі) - літаграфічная копія знакамітай Дзівееўскі іконы, перад якой маліўся вялебны Серафім Сароўскі.

Чытайце таксама:

Тэги:
ікона, Беларусь, абраз

Галоўныя тэмы