08:01 21 верасня 2017
«Радыё Sputnik»
Бегуны на мінскім паўмарафоне

Мінскі паўмарафон: бачым цэль – бяжым да яе

© Sputnik / Виктор Толочко
Рэпартаж
Атрымаць кароткую спасылку
1620

У гэтым годзе Мінскі паўмарафон усталяваў уласны рэкорд удзельнікаў – 30 тысячаў чалавек з паўсотні краін свету.

Мінскі паўмарафон прайшоў у сталіцы вось ужо ў трэці раз. Размах у мерапрыемства заўсёды быў немалы, але з нагоды 950-годдзя Мінска, якое святкуецца ў гэтыя дні, Беларуская федэрацыя лёгкай атлетыкі правяла ўсё нават лепш, чым звычайна. Рэкордныя ў гэтым годзе і лічбы: 30 тысяч удзельнікаў забегу з паўсотні краін свету — такога збору людзей у цэнтры сталіцы сустрэць практычна немагчыма.

Пераможцы і прызёры

Як і заўсёды, у Мінскага паўмарафона былі тры асноўныя дыстанцыі: 5,5, 10,55 і 21,1 кіламетра.

На самай кароткай дыстанцыі перамог Максім Юшчанка, другое месца заняў Яўген Януковіч. Многія ўжо звярнулі ўвагу на цікавае супадзенне з прозвішчамі двух украінскіх прэзідэнтаў. 

Такого массового забега Минск еще не знал
© Sputnik / Виктор Толочко
Такога масавага забегу Мінск яшчэ не ведаў

Нарэшце, трэцяе месца заняў Аляксандр Санько. Такім чынам, усе тры лідэра дыстанцыі — са сталіцы.

На дыстанцыі 10,55 кіламетра перамаглі таксама беларусы: Павел Міхнюк, Ігар Цецерукоў і Сяргей Платонаў.

Сярод жанчын на гэтых дыстанцыях таксама перамаглі беларускі: Таццяна Шабанава і Ірына Сомава адпаведна.

У межах непасрэдна паўмарафону першым прыбег кеніец Хілары Кіптум Маё Кімаё, які перамог у Мінску ўжо другі раз запар. Другое месца — у эфіопа Джыма Бекеле, а трэцяе — ва ўкраінца Мікалая Лухімчика. 

Участникам полумарафоноа приходилось делать вынужденные остановки, чтобы хлебнуть воды
© Sputnik / Виктор Толочко
Удзельнікі паўмарафону былі вымушаны рабіць невялікія прыпынкі, каб сербануць вады

Зорныя бегуны

Удзельнічалі ў паўмарафоне не толькі прафесійныя спартсмены, але і людзі, далёкія ад спорту. У тым ліку і беларускія знакамітасці — тэлевядучыя, музыкі, чыноўнікі.

Так, прабеглі розныя дыстанцыі прэс-сакратар прэзідэнта Наталля Эйсмант, кіраўнік БФЛА Вадзім Дзевятоўскі, дэпутат і экс-спартсмен Аляксандр Багдановіч, баксёр і музыка Віталь Гуркоў і тэлевядучыя "Беларусь 1", АНТ, СТБ. На высокія вынікі ніхто не прэтэндаваў — усе выйшлі для таго, каб атрымаць асалоду ад працэса і паказаць прыклад краіне.

Прабег дыстанцыю 5,5 кіламетраў і вядучы радыё Sputnik Аляксандр Крывашэеў — ён ужо падзяліўся сваімі ўражаннямі ад забегу. 

Некоторые бегуны переоценили свои силы - им понадобилась помощь медиков
© Sputnik / Виктор Толочко
Некаторыя бегуны пераацанілі свае здольнасці - ім спатрэбілася дапамога медыкаў
 

Свята і перакрыты горад

Для правядзення Мінскага паўмарафону прыйшлося перакрыць літаральна ўвесь цэнтр сталіцы: праспект Пераможцаў, участкі праспектаў Машэрава і Незалежнасці. Нягледзячы на тое, што гэта выклікала пэўныя нязручнасці ў аўтааматараў, а частку маршрутаў грамадскага транспарту прыйшлося адмяніць, на абмежаванні руху ніхто не скардзіўся: усе разумелі, што правесці паўмарафон адначасова з машынамі немагчыма, і стараліся ехаць у аб'езд правядзення мерапрыемства.

Не скардзіліся і ўдзельнікі забегаў, а таксама гледачы паўмарафону, якім давялося досыць далёка ісці, каб пакінуць месца правядзення мерапрыемства. Для іх ля Палаца спорту наладзілі сапраўднае свята — з сувенірамі, аніматарамі, музыкай, паветранымі шарамі і канфеці.  

Возле Дворца спорта было весело
© Sputnik / Виктор Толочко
Ля Палацу спорта было таксама весела

Стваралі свята і самі ўдзельнікі забегу: многія прыходзілі ў касцюмах — ад вікінгаў да штурмавікоў з "Зорных войнаў" — і станавіліся не толькі героямі для фатографаў, але і для дзетак.

Мінскі паўмарафон у чаканні новых рэкордаў

У наступным годзе ад арганізатараў паўмарафону усе чакаюць новых рэкордаў — і па колькасці бегуноў, і па якасці арганізацыі. Многія ўжо прызнаюцца ў сацыяльных сетках, што падрыхтоўку да забегу пачнуць у бліжэйшы час, хоць да яго яшчэ год. Пачынаюць дзякуючы паўмарафону бегаць нават тыя, хто ніколі не быў блізкі са спортам.

А Мінскі паўмарафон — 2017 смела можна лічыць паспяховым: тысячы людзей далучыліся да здаровага ладу жыцця, весела правялі час і павіншавалі сталіцу з 950-гадовым юбілеем.    

Тэги:
Мінскі паўмарафон, Мінск, Беларусь
Правілы карыстанняКаментары

Галоўныя тэмы