МІНСК, 30 вер — Sputnik. Прыхільнікам серыі кніг пра чараўніка Гары Потэра аўтарства Джоан Роўлінг прапануюць прыняць удзел у каляднай вячэры ў галоўнай зале замка Хогвартс. Падтрымліваць ідэю матэрыяльна будзе кампанія Warner Bros. Сама студыя, дзе пройдзе свята, знаходзіцца ў музеі патэрыяны у раёне брытанскай сталіцы (у павільёнах, дзе здымалі фільмы пра юнага мага).
Вячэру ў "Хогвартсе" ацанілі ў 230 фунтаў (каля 350 даляраў). Гасцям прапануюць любімыя пачастункі Потэра і яго сяброў: напрыклад, ёркшырскі пудынг і сметанковае піва. Таксама ўдзельнікам вячэры ўручаць па адмысловаму падарунку.
У кошт вячэры таксама ўваходзіць экскурсія па студыі. Госці паглядзяць гасціную факультэта Грыфіндор, цягнік Хогвартс-экспрэс і платформу 9 і ¾.
