МІНСК, 28 кас — Sputnik. Нацыянальная авіякампанія "Белавія" абмяркоўвае магчымасць адкрыцця рэгулярных авіязносін з шэрагам гарадоў Украіны і не выключае ў перспектыве рэйса на Канарскія выспы.
У цяперашні час "Белавія" выконвае рэгулярныя рэйсы ў Кіеў і ў Адэсу, пры гэтым рэйс "Мінск-Адэса-Мінск" быў адкрыты з 25 кастрычніка.
"Паступіла афіцыйная прапанова ад авіяцыйных уладаў Украіны аб адкрыцці рэйса "Мінск-Запарожжа". Мы пакуль абмяркоўваем гэта, вядзем перамовы", — паведаміў кіраўнік дэпартамента па авіяцыі Міністэрства транспарту і камунікацый Беларусі Ўладзімір Косцін.
Са свайго боку генеральны дырэктар "Белавія" Анатоль Гусараў заявіў, што авіякампанія думае аб адкрыцці рэйса на Канарскія выспы ў перыяд турыстычнага сезону. Пры гэтым ён не выключыў, што з-за эканамічнай сітуацыі гэты праект можа не атрымацца.
