18:58 12 красавіка 2021
«Радыё Sputnik»
  • USD2.64
  • EUR3.14
  • 100 RUB3.43
Грамадства
Атрымаць кароткую спасылку
6610

У кватэру жанчыны інспектары патрапілі пры дапамозе супрацоўнікаў МНС.

МІНСК, 30 кас — Sputnik. Камісія па справах непаўналетніх пазбавіла маці-адзіночку з Баранавічаў бацькоўскіх правоў з-за таго, што ў яе выяўлена кампутарная залежнасць, паведаміла рэгіянальнае выданне "Наш край".

Прычынай для пазбаўлення бацькоўскіх правоў жанчыны стала яе празмернае захапленне кампутарам. Першымі, па дадзеных выдання, трывогу забілі школьныя педагогі: у хату да вучня малодшых класаў патрапіць аказалася немагчыма, ды і сама маці, якая адна выхоўвае дзіцяці, ніколі не ішла на кантакт са школай. Тады педагогі звярнуліся ў камісію па справах непаўналетніх.

"Мы высветлілі, што маці, якая выхоўвае дзіця без бацькі, нідзе не працуе, вядзе ўтрыманскі лад жыцця, а ўвесь свой час праводзіць на канапе з кубкам кавы, чыпсамі і ноўтбукам", — цытуе выданне намесніка старшыні камісіі па справах непаўналетніх Баранавіцкага гарвыканкама Святлану Юрчык.

Паводле яе слоў, маладая адзінокая жанчына шмат кантактавала ў сацыяльных сетках, асабліва з мужчынамі — так яна спрабавала ўладкаваць сваё асабістае жыццё.

"У вольны ад перапісак час гуляла ў розныя гульні. А вось на догляд і выхаванне дзіцяці часу ў яе не было. Усе клопаты пра яго былі ўскладзеныя на бабулю, якая часта яго забірала", — сказала Юрчык.
Рашэннем камісіі па справах непаўналетніх дзіця было адлучана ад сям'і. Рашэннем суда Баранавіцкага раёна і горада Баранавічы жанчына была пазбаўленая бацькоўскіх правоў, паведаміла выданне.

Суд даў тэрмін шэсць месяцаў, каб выправіць сітуацыю і вярнуць дзіцяці. Жанчыне дапамаглі ўладкавацца на працу, накіравалі на кансультацыю ў псіханеўралагічны дыспансер. Але яна не вярнулася ў рэальны свет, не пажадала выправіць сваё жыццё.

"Падобны выпадак у нашай практыцы першы. Быццам бы і непітушчы чалавек, і не апусціўся ў агульнапрынятым сэнсе, але пакідаць дзіцяці было нельга: побач з такой маці ён проста знаходзіўся ў небяспецы", — адзначыў старшыня суда Мікалай Кміта.

Зараз дзіця выхоўваецца ў замяшчальнай сям'і, паведаміў "Наш край".

Тэги:
Бацькі і дзеці, Грамадскія каштоўнасці, Грамадства, Еўропа, Беларусь, Увесь свет

Галоўныя тэмы