МІНСК, 21 сак — Sputnik. Саюзная дзяржава Беларусі і Расіі абвясціла конкурс на лепшы ўрок па літаратуры "# СилаСлова" для маладых настаўнікаў сярэдніх школ, кадэцкіх карпусоў і сувораўскіх вучылішчаў дзвюх краін.
Арганізатарамі конкурсу выступілі Пастаянны Камітэтам Саюзнай дзяржавы сумесна з МИА "Россия сегодня".
"Конкурс "# СилаСлова" адкрываецца 1 красавіка, прыём заявак працягнецца да 1 ліпеня 2016 года. Мэта конкурсу — прышчапіць юнаму пакаленню расіян і беларусаў любоў да чытання на аснове лепшых узораў літаратуры, агульных культурна-гістарычных каштоўнасцяў. Сімвалічна, што конкурс стартуе напярэдадні 20 —годдзя Дня яднання народаў Беларусі і Расіі, які ўвасабляе непарыўную сувязь дзвюх краін ва ўсіх галінах", — растлумачылі арганізатары.
Згодна з Палажэннем аб конкурсе, яго удзельнікам зможа стаць любы школьны настаўнік Саюзнай дзяржавы ва ўзросце да 28 гадоў.
"Маладым педагогам прапанавана на выбар пяць тэм для падрыхтоўкі прэзентацыі і сцэнара правядзення мультымедыйнага ўрока. Удзельнікам конкурсу трэба будзе праявіць крэатыўнасць і добрае веданне прадмета, прадэманстраваць уменне зацікавіць вучняў тэмай урока, заахвоціць іх да самастойнага чытання літаратурных твораў", — растлумачылі арганізатары.
Пераможцаў конкурсу вызначыць экспертнае журы з ліку аўтарытэтных навукоўцаў-літаратуразнаўцаў, прафесараў ВНУ, прадстаўнікоў міністэрстваў адукацыі дзвюх краін.
Фіналісты конкурсу — дзесяць чалавек, якія набралі найбольшую колькасць балаў па ацэнцы журы, будуць запрошаныя ў Маскву. Урачыстае ўзнагароджанне лаўрэатаў адбудзецца ў ліпені 2016 года ў рамках экспертна-медыйнага семінара. У мерапрыемстве прымуць удзел вядомыя пісьменнікі і педагогі, якія правядуць для маладых настаўнікаў свае майстар-класы.
Дыпломы і ўзнагароды атрымаюць усе фіналісты. Пераможцу конкурсу будзе ўручаны планшэтны кампутар.
Акрамя таго, для фіналістаў конкурсу будзе арганізавана адмысловая экскурсія "Масква літаратурная".
