"Белавія" павялічыць колькасць рэйсаў ва Украіну

© Flickr / PROMaarten VisserСамалёт "Белавія"
Самалёт Белавія - Sputnik Беларусь
Падпісацца
З 25 красавіка па 29 кастрычніка будзе выконвацца дадатковы рэйс у аэрапорт "Жуляны", а з 17 чэрвеня – дадатковы рэйс у Адэсу.

МІНСК, 29 сак — Sputnik. Беларуская авіякампанія "Белавія" павялічыла колькасць рэйсаў па маршрутах Мінск — Кіеў — Мінск і Мінск — Адэса — Мінск, паведамілі Sputnik у прэс-службе авіякампаніі.

Беларускі авіяперавозчык у некалькі разоў павялічыў колькасць рэйсаў ва Украіну пасля спынення авіязносін паміж Расіяй і Украінай у мінулым годзе.

"Увядзенне дадатковых рэйсаў, у першую чаргу, звязана з сезоннасцю. Так, з 27 сакавіка ўступіў у сілу летні расклад, што азначае пачатак высокага сезону і павышэнне попыту з боку адпачывальнікаў", — цытуе прэс-служба авіякампаніі словы гендырэктара "Белавія" Анатоля Гусарава.

З 25 красавіка па 29 кастрычніка авіяперавозчык уводзіць дадатковы рэйс у міжнародны аэрапорт Кіева ("Жуляны"), пасля чаго самалёты беларускай авіякампаніі будуць выконваць пяць рэйсаў ва ўкраінскую сталіцу штодня. Таксама з 17 чэрвеня "Белавія" ўвядзе дадатковы рэйс па маршруце Мінск — Адэса — Мінск, пасля чаго колькасць рэйсаў у Адэсу павялічыцца да 10 у тыдзень.

"Сёлета прагназуецца павелічэнне колькасці беларусаў, якія абяруць Сталіцу Гумара для адпачынку. Мы таксама разлічваем на павелічэнне ўкраінскіх турыстаў, якія жадаюць адпачыць у Беларусі", — сказаў дырэктар "Белавія".

Стужка навiн
0