14:00 22 жніўня 2017
«Радыё Sputnik»
Маладажоны на вяселлі

Белстат: беларусы сталі больш адказна падыходзіць да шлюбнага пытання

© Pexels
Грамадства
Атрымаць кароткую спасылку
17 0 0

Сярэдні ўзрост уступлення ў шлюб вырас і для мужчын, і для жанчын, колькасць таксама шлюбаў вырасла за пяць гадоў. У асноўным беларусы ўступаюць у шлюб з жыхарамі сваёй краіны, доля шлюбаў з замежнікамі вельмі невялікая.

МІНСК, 6 кра — Sputnik. У Беларусі павялічыўся сярэдні ўзрост уступлення грамадзян у шлюб, колькасць шлюбаў таксама вырасла, паведаміла намеснік старшыні Нацыянальнага статыстычнага камітэта Жанна Васілеўская.

Паводле звестак Белстата, у 2015 годзе сярэдні ўзрост уступлення ў першы шлюб у жанчын склаў 25,5 гадоў, у мужчын — 27,5 года. Для параўнання, у 2010 годзе сярэдні ўзрост уступлення ў першы шлюб у жанчын складаў 24,4 года, у мужчын — 26,5 гадоў.

"Маладыя людзі больш свядома сталі звязваць сябе вузамі Гіменэя. У выніку змяняецца ўзрост уступлення ў шлюб. Калі ў 2010 годзе кожны трэці жаніх і кожная другая нявеста былі маладзейшыя за 25 гадоў, то летась — толькі кожны чацвёрты жаніх і 40% нявест", — сказала Васілеўская.

Паводле яе слоў, прыкладна палова мужчын і 40% жанчын, якія зарэгістравалі шлюб у 2015 годзе, знаходзіліся ва ўзросце 25-34 гады. На гэтую групу прыпадае пік заключэння першых шлюбаў. У той жа час пяць гадоў таму да ў гэту ўзроставую групу ўваходзілі 45% жаніхоў і 34% нявест.

Паводле звестак Белстата, летась у краіне было зарэгістравана 82 тысячы шлюбаў, або 8,6 шлюбу ў разліку на тысячу насельніцтва. У параўнанні з 2010 годам, колькасць шлюбаў павялічылася на 5 тысяч шлюбаў.

Васілеўская адзначыла, што ў асноўным беларусы аддаюць перавагу браць шлюбы з суайчыннікамі: на долю такіх шлюбаў прыпадае больш за 92%. На долю шлюбаў, у якіх муж ці жонка з'яўляецца грамадзянінам іншай краіны, прыходзіцца 7,4%. Пры гэтым беларускія жаніхі і нявесты аддаюць перавагу ўступаць у шлюбныя саюзы з грамадзянамі з краін СНД, пераважаюць тут партнёры з Расіі (60,5%).

Правілы карыстанняКаментары

Галоўныя тэмы