МІНСК, 19 кра — Sputnik. Беларусбанк выпусціў брашуру аб новых грашовых знаках, якія будуць уведзены ў рэспубліцы пасля дэнамінацыі, у ёй апісана, як можна адрозніць падробкі манет, якія, магчыма, з'явяцца ў Беларусі пасля дэнамінацыі.
Дэнамінацыя адбудзецца ў Беларусі 1 ліпеня 2016 года. Акрамя новых банкнот у рэспубліцы з'явяцца і манеты — іх не было ў краіне з моманту ўсталявання незалежнасці. Спецыялісты Беларусбанка нагадалі пра тое, як можна правяраць манеты на сапраўднасць.
"Сапраўдныя манеты маюць поўны чысты гук, а вырабленыя ліццём падробкі — глухі. Падробкі, вырабленыя чаканкай, гучаць больш светла", — распавялі ў банку.
Акрамя таго, спецыялісты паведамілі, што ўручную сапраўдныя манеты сагнуць немагчыма. Праверыць іх сапраўднасць можна і пры дапамозе магніта.
"Манеты ўсіх наміналаў валодаюць моцным магнетызмам", — дадалі ў банку.
Сапраўдныя манеты маюць высокую якасць чаканкі, адрозніваюцца яны і па колерах: наміналам 1, 2 і 5 капеек маюць чырвоны колер, 10, 20 і 50 — жоўты, а рублёвая монета белага колеру. Манеты наміналам у 2 рублі падобныя на еўра, маюць залаты абадок і белую сярэдзіну.
Дэнамінацыя будзе трэцяй у гісторыі суверэннай Беларусі: першая праводзілася ў 1994 годзе, другая — у 2000-м, тады з беларускіх купюр зніклі адразу тры нулі. Цяперашняя дэнамінацыя будзе больш маштабнай: намінал банкнот паменшыцца ў 10 тысяч разоў.
