15:03 16 ліпеня 2019
«Радыё Sputnik»
  • USD2.03
  • EUR2.28
  • 100 RUB3.23
Археалагічныя раскопкі. Архіўнае фота

Дэпутат: "чорных" капальнікаў будуць штрафаваць

© Sputnik / Радик Амиров
Грамадства
Атрымаць кароткую спасылку
15 0 0

Незаконны пошук археалагічных артэфактаў будзе карацца штрафам ад 15 да 50 базавых, абарот – ад 10 да 30 БВ з канфіскацыяй абсталявання.

МІНСК, 25 мая — Sputnik. Адміністрацыйную адказнасць за незаконны пошук і абарот археалагічных артэфактаў плануюць увесці ў Беларусі, паведаміла журналістам у сераду намеснік старшыні камісіі па адукацыі, культуры і навуцы Палаты прадстаўнікоў Наталля Кучынская.

Дэпутаты прынялі ў сераду ў першым чытанні законапраект аб унясенні дапаўненняў у некаторыя кодэксы Беларусі па пытаннях аховы археалагічных артэфактаў.

"Упершыню ў нас на заканадаўчым узроўні ўсталёўваецца адміністрацыйная адказнасць менавіта праз парушэнні ў галіне аховы археалагічнай спадчыны — праз незаконны пошук і абарот археалагічных артэфактаў", — сказала дэпутат.

Паводле яе слоў, кампетэнцыю па складанні пратаколаў за гэтыя правапарушэнні прапануецца перадаць органам унутраных спраў.

У законапраекце гаворыцца, што незаконны пошук артэфактаў будзе карацца штрафам у 15-50 базавых велічынь (цяпер БВ роўная Br210 тыс.), незаконны абарот — штрафам у 10-30 базавых велічынь. Акрамя таго, у парушальнікаў будзе канфіскоўвацца абсталяванне, з дапамогай якога яны здзяйснялі пошук і здабычу.

Тэги:
Археалогія, Палата прадстаўнікоў Нацыянальнага Сходу РБ, Беларусь

Галоўныя тэмы