МІНСК, 19 кас — Sputnik. Адкрыццё мемарыяльнага знака і вечар памяці вядомага рэжысёра пройдуць у Мінску 25 кастрычніка. У гэты дзень вядомаму беларускаму рэжысёру споўнілася б 80 гадоў.
У 12:00 у Мінску, на праспекце Незалежнасці 145, будзе адкрыты мемарыяльны знак у гонар народнага артыста СССР Віктара Турава. Па гэтым адрасе ён жыў у апошнія гады жыцця.
Увечары ў кінатэатры "Цэнтральны" ўспомніць знакамітага рэжысёра збяруцца яго сябры і калегі — Мікалай Бурляеў, Барыс Няўзораў, Алена Барзова, кінематаграфісты, журналісты, мастакі, сваякі — тыя, каму пашчасціла жыць і працаваць з ім. Адкрые вечар міністр культуры Беларусі Барыс Святлоў.
За 37 гадоў творчай дзейнасці кінарэжысёр і сцэнарыст Віктар Тураў стварыў больш за 20 кінакарцін. Яго фільм "Я родам з дзяцінства" па апытанні беларускіх крытыкаў прызнаны лепшым фільмам, створаным за ўсю гісторыю беларускага кіно.
У 1994 годзе рашэннем спецыяльнай камісіі ЮНЕСКА фільм Віктара Турава "Праз могілкі" ўвайшоў у лік 100 найбольш значных фільмаў свету.
