МІНСК, 10 ліс — Sputnik. Масавых адключэнняў электраэнергіі ў Беларусі з-за моцных снегападаў уначы ў чацвер зафіксавана не было, паведамілі Sputnik у ДВА "Белэнерга".
Моцныя снегапады прайшлі на ўсёй тэрыторыі Беларусі, раней Гідрамет абвясціў з-за пагаршэння надвор'я аранжавы ўзровень небяспекі.
"Папярэдняя інфармацыя па снегападам: ніякіх масавых адключэнняў не адбылося", — сказалі ў Белэнерга.
Там таксама ўдакладнілі, што больш за ўсё снегу выпала ў Брэсцкай вобласці.
Паводле інфармацыі сіноптыкаў, пасля снегу ў чацвер у Беларусь прыйдзе пахаладанне: ноччу ў пятніцу месцамі тэмпература апусціцца да —14°С. Халоднае надвор'е захаваецца і на будучых выходных: днём тэмпература паветра не падымецца вышэй +1°С.
