12:32 22 кастрычніка 2019
«Радыё Sputnik»
  • USD2.04
  • EUR2.28
  • 100 RUB3.20
Беларусы нясуць кветкі да будынка пасальства Расіі ў Мінску

Беларусы нясуць кветкі да будынка пасольства Расіі ў Мінску

© Sputnik / Виктор Толочко
Грамадства
Атрымаць кароткую спасылку
9 0 0

У панядзелак 26 снежня ў праваслаўных храмах Беларусі будуць здзейсненыя паніхіды па загінуўшых расіянах у авіякатастрофе над Чорным морам.

МІНСК, 26 сне — Sputnik. У знак салідарнасці з Расіяй, якая ў панядзелак смуткуе па ахвярах пацярпелага авіякатастрофу ў Сочы самалёта Ту-154, у Беларусі аб'яўлены дзень жалобы, адменены забаўляльныя праграмы на ТБ. Да будынка пасольства Расійскай Федэрацыі ў Мінску людзі нясуць кветкі і свечкі, перадае ў панядзелак карэспандэнт Sputnik.

Самалёт Ту-154 Мінабароны РФ, які накіроўваўся ў Сірыю, пацярпеў крушэнне ў Чорным моры ў нядзелю раніцай. Па самых апошніх дадзеных ваеннага ведамства, на борце паветранага судна знаходзіліся 92 чалавекі — восем членаў экіпажа і 84 пасажыра, сярод якіх восем вайскоўцаў, 64 артыста ансамбля песні і танца імя Аляксандрава, якія ляцелі віншаваць з Новым годам авіягрупу ВКС РФ на авіябазу Хмеймім у Сірыі, дзевяць прадстаўнікоў расійскіх СМІ, кіраўнік дабрачыннага фонду "Справядлівая дапамога" Лізавета Глінка, вядомая як Доктар Ліза, двое федэральных дзяржслужачых.

Панядзелак у Расіі аб'яўлены днём жалобы. У Беларусі таксама па даручэнні прэзідэнта Аляксандра Лукашэнкі над будынкамі дзяржустаноў па ўсёй краіне будуць прыспушчаны дзяржаўныя сцягі і адменены забаўляльныя праграмы на радыё і тэлебачанні.

"Беларусы неабыякавыя да любога гора, асабліва калі страшная трагедыя адбываецца ў нашых братоў. Мы, безумоўна, смуткуем разам. Зыходзячы з гэтага, прэзідэнтам нашай краіны і прынята рашэнне аб абмежаванні заўтра забаўляльных мерапрыемстваў, пра тое, што нашы сцягі ў знак смутку будуць прыспушчаны", — заявіла напярэдадні ў эфіры праграмы "Прамы эфір" канала "Беларусь 1" прэс-сакратар прэзідэнта Наталля Эйсмант.

Паводле яе слоў, беларусы падзяляюць кожнае гора і смуткуюць з сем'ямі артыстаў ансамбля Аляксандрава.

"У Беларусі завяршаецца Год культуры. І сёння, вядома, гэтую страту мы ўспрымаем, як сваю. Гэты ансамбль — набытак не толькі Расіі, але і жамчужына сусветнага мастацтва", — падкрэсліла прэс-сакратар прэзідэнта.

Хваравіта, на думку Эйсмант, была ўспрынятая і гібель журналістаў, якія знаходзіліся на борце. Іх смерць стала шокам і для салідарнай журналісцкай супольнасці, і для ўсяго беларускага грамадства, падкрэсліла прэс-сакратар прэзідэнта.

Тэги:
Самалёты, Здарэнні на паветраным транспарце, Пасольства РФ у Беларусі, Мінск, Беларусь

Галоўныя тэмы