05:18 26 красавіка 2017
«Радыё Sputnik»
Цягнік гарадскіх ліній БЧ

Акцыю "Стоп - заяц!" правядзе 22 красавіка Беларуская чыгунка

© Фото: БЖД
Грамадства
Атрымаць кароткую спасылку
710

За першы квартал бягучага года падчас праверак пасажырскіх цягнікоў за безбілетны праезд аштрафавана 1734 чалавекі.

МІНСК, 19 кра — Sputnik. Супрацоўнікі БЧ правераць наяўнасць праязных дакументаў у пасажыраў цягнікоў рэгіянальных ліній эканом-класа, паведамілі Sputnik у прэс-службе чыгункі.

Акцыю "Стоп — заяц!" правядуць 22 красавіка, яна накіравана на павышэнне культуры пасажыраў. Ініцыятарам правядзення мерапрыемства выступіў галіновы камітэт ГА "БРСМ" беларускай магістралі.

Кантроль будзе праходзіць на пероне пры пасадцы або высадцы пасажыраў са складаў. Акрамя работнікаў БЧ, у акцыі возьмуць удзел супрацоўнікі органаў унутраных спраў на транспарце. Пасажыры атрымаюць тэматычныя памяткі.

За першы квартал 2017 года кантралёры-рэвізоры правялі 13814 праверак у пасажырскіх цягніках гарадскіх, рэгіянальных, міжрэгіянальных і міжнародных ліній.

"За час іх правядзення за безбілетны праезд аштрафавана 1734 чалавека, на 226 грамадзян складзены пратаколы аб адміністрацыйным правапарушэнні", — распавялі ў БЧ.

Штраф за безбілетны праезд у цягніках гарадскіх ліній складае 0,5 базавай велічыні, а ў цягніках рэгіянальных ліній — 0,7 базавай, міжрэгіянальных і міжнародных ліній — 1 базавую.

У БЧ нагадалі, што пасажыр у абавязковым парадку пры пасадцы ў цягнік і падчас паездкі павінен мець праязны дакумент (білет), а пры наяўнасцi права на льготны праезд — арыгінал дакумента, які пацвярджае такое права.

Тэги:
чыгунка, Чыгуначны транспарт, БЧ, Беларусь
Правілы карыстанняКаментары

Галоўныя тэмы

  • Драўляны бажок у Беларускім дзяржаўным музеі народнай архітэктуры

    Акурат напярэдадні Праводнай нядзелі 22 красавіка ў музеі-скансэне з гульнямі і танцамі працягвалі вадзіць веснавыя карагоды. Гэтым разам прыняць удзел у свяце прыехалі калектывы з розных куткоў Беларусі, мінчане і госці сталіцы.

    27
  • Радаўніца ў вёсцы Пліса Барысаўскага раёна Мінскай вобласці, 1955 год.

    Не ведаю як вам, а мне дык заўсёды радасна і цёпла на сэрцы ад думкі што ёсць такі дзень у пачатку года, калі я іду на могілкі, каб сустрэцца з блізкімі, якіх больш няма і прынесці ім радасную вестку, што Хрыстос уваскрос!

    251
  • Арка над аб'ектам Сховішча (чацвёрты энергаблок) Чарнобыльскай атамнай электрастанцыі

    Беларускі лідар наведае станцыю разам з прэзідэнтам Украіны Пятром Парашэнкам.

    7