Нараджэнне дваіх і больш дзяцей будуць лічыць цяжкай жыццёвай сітуацыяй

© PixabayДзіцячыя каляскі, архіўнае фота
Дзіцячыя каляскі, архіўнае фота - Sputnik Беларусь
Падпісацца
Гэта дазволіць сям'і прэтэндаваць на атрыманне ад дзяржавы сацыяльнай няні, але не будзе з'яўляцца акалічнасцю, што вызваляе ад выплаты сацыяльных збораў.

МІНСК, 17 мая — Sputnik. У Беларусі нараджэнне дваіх і больш дзяцей адначасова будзе лічыцца для іх бацькоў цяжкай жыццёвай сітуацыяй, паведаміла дэпутат Палаты прадстаўнікоў Нацыянальнага сходу Беларусі Таццяна Старынская.

З яе слоў, такая навацыя будзе ўнесена ў закон "Аб сацыяльным абслугоўванні". У сераду ў парламенце папраўкі ў гэты закон праходзяць другое чытанне.

"У законапраекце ўдакладняецца паняцце цяжкай жыццёвай сітуацыі. У прыватнасці, такой сітуацыяй будзе лічыцца нараджэнне ў грамадзяніна двух і больш дзяцей адразу", — сказала Старынская.

Па яе словах, гэта дазволіць сям'і атрымліваць ад дзяржавы дапамогу ў выглядзе прадастаўлення няні. Старынская падкрэсліла, што такая цяжкая жыццёвая сітуацыя не тычыцца палажэнняў дэкрэта №3, то бок бацькі не змогуць на гэтай падставе прэтэндаваць на вызваленне ад выплаты сацыяльнага збору.

Разам з тым, згодна з нормамі дэкрэта, выхаванне дзіцяці ва ўзросце да сямі гадоў з'яўляецца аргументам для вызвалення ад выплаты збору.

Стужка навiн
0