22:18 20 жніўня 2017
«Радыё Sputnik»
Зламаная цыгарэта

Міністэрства аховы здароўя: беларусы паляць менш, чым еўрапейцы

© Pixabay
Грамадства
Атрымаць кароткую спасылку
5 0 0

У Сусветны дзень без тытуню профільнае ведамства заявіла, што праца з насельніцтвам па прафілактыцы тытунекурэння дае свае вынікі.

МІНСК, 31 мая — Sputnik. Паказчык колькасці тых, хто паліць, у Беларусі ніжэй, чым у еўрапейскім рэгіёне, паведаміла загадчык аддзела грамадскага здароўя ГУ "Рэспубліканскі цэнтр гігіены, эпідэміялогіі і грамадскага здароўя" Вольга Бартман.

Сусветны дзень без тытуню адзначаюць 31 мая: у гэты дзень медыкі і актывісты зноў нагадваюць усім пра небяспеку палення — як для ўласнага здароўя, так і для здароўя людзей навокал. У Беларусі працягваецца актыўная барацьба з паленнем, а ў Міністэрстве аховы здароўя падкрэсліваюць: гэта дае свой плён.

"Наша работа дае станоўчыя вынікі: па дадзеных сацдаследаванняў назіраецца зніжэнне колькасці тых, хто паліць да 27,9% (з 30,6% у 2010 годзе), што ніжэй за паказчык распаўсюджанасці тытунекурэння ў еўрапейскім рэгіёне", — паведаміла Бартман.

Зрэшты, да гэтага часу лік тых, хто паліць, у Беларусі дастаткова высокі — паляць 43% мужчын і 15,6% жанчын.

Цяпер на грамадскім абмеркаванні знаходзіцца праект "антытытунёвага" дэкрэта прэзідэнта Беларусі Аляксандра Лукашэнкі: у дакуменце прапануюць пашырыць колькасць месцаў, дзе забаронена паліць, а таксама прыраўняць электронныя цыгарэты да тытунёвых і ўвесці забарону на іх продаж непаўналетнім.

Тэги:
Паленне, Міністэрства аховы здароўя Рэспублікі Беларусь, Мінздраў РБ
Правілы карыстанняКаментары

Галоўныя тэмы