18:45 26 чэрвеня 2017
«Радыё Sputnik»
Дзяўчынка з бел-чырвона-белым сцягам, архіўнае фота

Ліберал-дэмакраты прапанавалі "легалізаваць" бел-чырвона-белы сцяг

© Sputnik / Виктор Толочко
Грамадства
Атрымаць кароткую спасылку
2220

У партыі ўпэўнены, што такі крок дапаможа "яшчэ большага яднання грамадзян нашай краіны".

МІНСК, 14 чэр — Sputnik. Ліберальна-дэмакратычная партыя Беларусі прапанавала дазволіць свабоднае выкарыстанне бел-чырвона-белага сцяга і герба "Пагоня" ў краіне, паведамілі Sputnik у ЛДПБ.

Афіцыйны забарона на выкарыстанне бел-чырвона-белага сцяга ў нормах беларускага заканадаўства адсутнічае. Аднак, як патлумачылі ў МУС, на шэрагу мерапрыемстваў яго выкарыстанне абмяжоўваецца.

Не нададзены бел-чырвона-беламу сцягу і статус гісторыка-культурнай каштоўнасці — за гэта доўгі час выступаюць беларускія апазіцыйныя палітыкі, а ў 2017-м вырашыла выступіць з такой ініцыятывай і ЛДПБ.

"У 1996 годзе адбыўся рэферэндум, на якім людзі выбралі афіцыйныя дзяржаўныя сімвалы Рэспублікі Беларусь. І гэты выбар — Закон для ўсіх. Разам з тым, у ЛДПБ упэўненыя, што прыйшоў час надаць бел-чырвона-беламу сцягу і гербу "Пагоня" статус гісторыка-культурных каштоўнасцяў і дазволіць іх свабоднае выкарыстанне на тэрыторыі Рэспублікі Беларусь", — гаворыцца ў заяве партыі.

На думку палітыкаў, такі крок дапаможа "яшчэ большаму яднанню грамадзян нашай краіны і разуменню таго, што наша гісторыя не можа быць добрай ці дрэннай".

Такая легалізацыя бел-чырвона-белага сцяга стане і часткай праграмы ЛДПБ на прэзідэнцкіх выбарах 2020 года — кандыдат ад адной з найбуйнейшых палітычных партый Беларусі будзе вылучаны ўжо 12 жніўня 2017.

Тэги:
Герб "Пагоня", Бел-чырвона-белы сцяг, ЛДПБ, Беларусь
Правілы карыстанняКаментары

Галоўныя тэмы