МІНСК, 15 чэр — Sputnik. Беларускія школьнікі-пераможцы рэспубліканскіх алімпіяд могуць дазволіць паступаць у вышэйшыя навучальныя ўстановы Расіі без экзаменаў, паведаміў у чацвер у Мінску дэпутат Дзяржаўнай думы РФ Арцём Тураў падчас пасяджэння 52-й сесіі парламенцкага сходу саюза Беларусі і Расіі.
Беларускія грамадзяне могуць паступаць у расійскія ВНУ на агульных умовах з расіянамі, так і наадварот. Аднак льготы для абітурыентаў у Саюзнай дзяржаве да гэтага часу не ўзгодненыя.
У мэтах забеспячэння роўных правоў грамадзян Беларусі і Расіі ў абедзвюх краінах дэпутат Тураў прапанаваў у ходзе парламенцкай сесіі зрабіць ільготы для тых, хто паступае, роўнымі.
"Абедзве нашы дзяржавы выйграюць", — заверыў Тураў.
Сутнасць прапановы парламентарыя — у тым, каб пераможцы рэспубліканскіх алімпіяд Беларусі маглі без экзаменаў паступаць не толькі ў беларускія ВНУ, але і ў расійскія. Аналагічныя льготы прапануюць і пераможцам расейскіх алімпіяд у ВНУ Беларусі.
"Гэта дазволіла б на практыцы паказаць, што мы будуем агульную адукацыйную прастору Саюзнай дзяржавы", — падкрэсліў парламентарый.
Прапановы Турава падчас сесіі парламентарыі падтрымалі, аднак будуць разглядаць і асобна. Акрамя таго, плануецца, што ў сферы адукацыі заканадаўства будзе сінхранізавацца для забеспячэння роўных правоў грамадзян Расіі і Беларусі ў дзяржавах.
