23:23 18 снежня 2017
«Радыё Sputnik»
Вайскоўцы ўсклалі кветкі да пліт некропаля крэпасці

Ноч памяці: 22 чэрвеня ў Брэсцкай крэпасці сустрэлі тысячы чалавек

© Sputnik / Дмитрий Босак.
Грамадства
Атрымаць кароткую спасылку
1110

Мерапрыемствы, прысвечаныя 76-й гадавіне пачатку Вялікай Айчыннай вайны, сабралі ў Брэсцкай крэпасці некалькі тысяч брэстчан і гасцей горада.

БРЭСТ, 22 чэр — Sputnik. Прыняць удзел у памятным мітынгу ў ноч на 22 чэрвеня ў горад, які адным з першых прыняў на сябе ўдар нямецкіх захопнікаў у 1941 годзе, прыехалі 22 афіцыйныя дэлегацыі з Расіі, Украіны і Славакіі.

Сярод гасцей былі ветэраны і моладзь з Масквы, Смаленска, Пензы, Ніжняга Ноўгарада, Кіева, а таксама славацкага Вранова-над-Топлеу. Дэлегацыі прысутнічалі на мітынгу-рэквіеме на плошчы Цырыманіялаў і на рэканструкцыі ваенных падзей 1941 г. на тэрыторыі Кобрынскага ўмацавання.

Студенты из Тайваня тоже участвуют в военно-исторической реконструкции в Бресте
© Sputnik / Дмитрий Босак.
Студэнты з Тайваня таксама паўдзельнічалі ў рэканструкцыі

Госці са Смаленска прыбылі ў Брэсцкую крэпасць упершыню. Усяго прыехала 40 чалавек. Сярод іх малалетнія вязні, удзельнікі Вялікай Айчыннай вайны, воіны-інтэрнацыяналісты, ветэраны ўзброеных сіл і працы.

"Кожны год у Дзень памяці і смутку мы наведваем горады, якія падвергліся першаму ўдару фашысцкіх полчышчаў. У мінулым годзе мы былі ў Севастопалі. Да гэтага праехалі восем гарадоў воінскай славы. Перапаўняюць пачуцці. Таму што зямля беларуская — святая, народ тут цудоўны. Да вас сёння прыехала некалькі дзясяткаў гарадоў. Гэта сведчыць аб тым, што Беларусь шануе памяць, памятае сваіх герояў і ніколі іх не забудзе ", — распавёў старшыня Смаленскага гарадскога Савета ветэранаў Валерый Кузняцоў.

Пакуль дазваляе здароўе

На мітынгу прысутнічаў удзельнік абароны Брэсцкай крэпасці Пётр Кацельнікаў. Вайна пачалася, калі ён быў 12-гадовым выхаванцам музыкальнага ўзвода 44-га стралковага палка. Разам са сваімі аднагодкамі ў крэпасці ён вёў назіранне, даглядаў параненых. Калі скончыліся боепрыпасы, ён рабіў вылазкі і адшукваў патроны для байцоў. Зараз ветэран вайны жыве ў Маскве. Кожны год, пакуль дазваляе здароўе, 22 чэрвеня ён стараецца прыязджаць у Брэст.

Участник обороны Брестской крепости Петр Котельников каждый год старается приезжать в Брест
© Sputnik / Дмитрий Босак.
Удзельнік абароны Брэсцкай крэпасці Пётр Кацельнікаў

"Вы жывяце ў мірны час. Наша моладзь не прайшла тых суровых выпрабаванняў, якія зведалі мы. Але вы павінны вучыцца ў герояў Брэста, у герояў Вялікай Айчыннай вайны бязмежнай любові да сваёй радзімы, свята захоўваць баявыя традыцыі народа, прымнажаць яго працоўную і ратную славу", — звярнуўся да маладога пакалення Пётр Паўлавіч.

Лепшая памяць — прыгожы, сучасны Брэст

У памятных мерапрыемствах прымала ўдзел кіраўніцтва горада і вобласці. Старшыня гарвыканкама Аляксандр Рагачук адзначыў, што 22 чэрвеня крэпасць наведвае ўсё больш моладзі.

Фрагмент концерта-реквиема в ночь на 22 июня в Брестской крепости
© Sputnik / Дмитрий Босак.
Фрагмент канцэрта-рэквіема ў Брэсцкай крэпасці

"Сёння, як і 76 гадоў таму, у Брэсце таксама уздрыгвае зямля. Але уздрыгвае ня ад выбухаў снарадаў і бомбаў, як у далёкім 41-м, а ад працы сучаснай будаўнічай тэхнікі. Зусім недалёка ад гэтага месца ідзе будаўніцтва найбуйнейшага інфраструктурнага праекта "Заходні абыход", будуюцца новыя школы, дзіцячыя сады, шляхаправоды, дарогі, спартыўныя збудаванні і адміністрацыйныя будынкі. Мы выдатна разумеем, што акрамя ўрачыстых мерапрыемстваў лепшай памяццю загінуўшых будзе прыгожы, сучасны, будуючыся Брэст", — сказаў Рагачук.

Рэканструкцыя: мірны вечар і штурм

На міжнародны фестываль ваенна-гістарычнай рэканструкцыі "22 чэрвеня. Брэсцкая крэпасць" з'ехаліся больш за 500 удзельнікаў з 13 краін. У пяць гадзін раніцы паглядзець на першыя хвіліны абароны цытадэлі над Бугам, адноўленыя рэканструктарамі, сабраліся тысячы чалавек.

Реконструкторы воссоздали последний мирный вечер в Брестской крепости
© Sputnik / Дмитрий Босак.
Рэканструкцыя апошняга мірнага вечара ў Брэсцкай крэпасці

Гледачам, якія сабраліся каля Кобрынскага ўмацавання, паказалі апошнія мірныя гадзіны ў крэпасці, пачатак штурму цытадэлі нямецкімі войскамі і першую контратаку савецкіх салдат.

Один из эпизодов обороны крепости, воссозданный реконструкторами
© Sputnik / Дмитрий Босак.
Контр-атака абаронцаў крэпасці

Фестываль праходзіць у сёмы раз. Арганізатарамі выступілі грамадскае аб'яднанне "Ваенна-гістарычны клуб "Гарнізон", 38-я асобная дэсантна-штурмавая брыгада, БРСМ, Міністэрства абароны Беларусі, Брэсцкія абласны і гарадскі выканкамы.

Тэги:
Брэсцкая крэпасць, Вялікая Айчынная вайна, Беларусь, Брэст
Правілы карыстанняКаментары

Галоўныя тэмы