Лукашэнка выступае за маральнасць і духоўнасць у сацсетках

© SputnikАляксандр Лукашэнка на Кангрэсе рускай прэсы
Аляксандр Лукашэнка на Кангрэсе рускай прэсы - Sputnik Беларусь
Падпісацца
У сучасным грамадстве журналісты нясуць за свае словы такую ж адказнасць, як і палітыкі.

МІНСК, 12 ліп — Sputnik. Інтэрнэт-прастора і сацыяльныя сеткі павінны будавацца па законах маралі, маральнасці, духоўнасці, заявіў прэзідэнт Беларусі Аляксандр Лукашэнка ў сераду на цырымоніі адкрыцця Сусветнага кангрэса рускай прэсы.

"Узрастае адказнасць за публічнае слова не толькі ў палітыкаў, але і ў журналістаў. Каласальную значнасць набываюць прафесіяналізм і грамадзянская адказнасць людзей са сферы мас-медыя. Без маральна-этычных нормаў сёння грамадству не выстаяць", — сказаў Лукашэнка.

Паводле яго слоў, гэтыя нормы павінны прысутнічаць не толькі ў традыцыйных СМІ, але і ў сацыяльных сетках, паколькі цяпер стандарты прафесіі журналіста змяніліся, і стаць журналістам можа любы чалавек, у якога ёсць смартфон і выхад у інтэрнэт.

Таму, лічыць беларускі прэзідэнт, у імя маральнасці, абароны правоў грамадзян на дакладную інфармацыю дзяржава мае права прымяняць нормы і сілу закона.

"Інфармацыі, што разбурае асобу, павінны ставіцца надзейныя бар'еры", — падкрэсліў беларускі лідар.

Стужка навiн
0