19:36 15 снежня 2018
«Радыё Sputnik»
  • USD2.12
  • EUR2.40
  • 100 RUB3.19
Жыхаркі Санкт-Пецярбурга

Раён у піцерскім стылі з'явіцца ў Мінску

© Sputnik / Игорь Руссак
Грамадства
Атрымаць кароткую спасылку
11 0 0

Квартал паводле канцэпцыі архітэктараў Санкт-Пецярбурга плануецца будаваць у межах вуліц Сямашкі — Пятроўшчыны, непадалёк ад 9-й бальніцы.

МІНСК, 22 ліп — Sputnik. Задумка "абмяняцца" кварталамі паміж Мінскам і Піцерам з'явілася некалькі гадоў таму. Нядаўна абвешчаны творчы конкурс, падчас якога павінны вызначыць, якім быць піцерскаму кварталу ў Мінску і беларускаму — у горадзе на Няве.

Першапачаткова пры абмеркаванні будучай забудовы гаворка ішла ў асноўным аб знешнім абліччы (фасадах) будынкаў, на якіх павінны прысутнічаць нейкія нацыянальныя элементы. Цяпер вырашана, што трэба распрацоўваць не толькі архітэктурны вобраз, але і аб'ёмна-планіровачныя рашэнні (пэўнае размяшчэнне будынкаў, улік рэльефу), характэрныя для кожнай прафесійнай школы.

У беларускай сталіцы квартал па канцэпцыі архітэктараў Санкт-Пецярбурга плануецца будаваць у межах вуліц Сямашкі — Пятроўшчыны, непадалёк ад 9-й бальніцы. Цяпер ідзе падрыхтоўка тэрыторыі, трэба будзе адсяліць жыхароў некаторых сядзіб.

У горадзе на Няве беларускія дойліды запраектуюць жыллё на вольным участку ў раёне Палюстрава.

Архітэктары з Піцера ўжо агледзелі пляцоўку і ўдакладняюць некаторыя беларускія нарматывы. Візіт у адказ беларусаў адбудзецца ў бліжэйшы час.

Вырашана на абедзвюх тэрыторыях не ўключаць у конкурсны праект сацыяльныя ўстановы — дзіцячыя сады і школы, запраектаваны толькі дамы.

Тэги:
архітэктура, Санкт-Пецярбург, Мінск

Галоўныя тэмы