23:35 19 жніўня 2017
«Радыё Sputnik»
Анатоль Капскі

Анатоль Капскі больш не ўзначальвае БАТЭ

© Sputnik / Виктор Толочко
Грамадства
Атрымаць кароткую спасылку
810

Аляксандр Лукашэнка ў панядзелак зрабіў шэраг кадравых прызначэнняў у АПК, міністэрствах і прамысловасці.

МІНСК, 7 жні — Sputnik. Чатыры адкрытых акцыянерных таварыства атрымалі сёння новых дырэктараў.

Як паведамляе прэс-служба прэзідэнта, рашэннем кіраўніка дзяржавы, генеральным дырэктарам ААТ "Барысаўскі завод аўтатрактарнага электраабсталявання" (БАТЭ) прызначаны Аляксандр Марчанка, генеральным дырэктарам ААТ "Віцязь" Генадзь Азараў, генеральным дырэктарам ААТ "Мінскі завод шасцерняў" Сяргей Пацкевіч, генеральным дырэктарам ААТ "МВАВТ" Анатоль Марцуль.

Самае паказальнае з новых прызначэнняў — барысаўскае. Раней пасаду гендырэктара ААТ "БАТЭ" займаў Анатоль Капскі. Ён жа быў і старшынёй праўлення футбольнага клуба БАТЭ. Да свайго прызначэння новы кіраўнік ААТ "БАТЭ" Аляксандр Марчанка працаваў дырэктарам па прамыслова-тэхнічнай палітыцы і развіццю гэтага прадпрыемства.

Генадзь Азараў таксама працаваў на прадпрыемстве, якое сёння ўзначаліў — да прызначэння ён быў намеснікам генеральнага дырэктара ААТ "Віцязь".

Капскі ўзначальваў ААТ "БАТЭ" з 2005 года. Таксама ён з'яўляецца старшынёй праўлення футбольнага клуба БАТЭ. Ці застанецца Капскі на гэтай пасадзе, пакуль не паведамляецца.

Паводле інфармацыі СМІ, Капскі некалькі разоў хварэў на запаленне лёгкіх (пнеўманію). Акрамя таго, ён перанёс складаную аперацыю на сэрцы, пасля якой тры дні знаходзіўся ў коме — былі праблемы з ныркамі і печанню. У 20-гадовым узросце ў яго быў выяўлены рак. Капскі прайшоў курс лячэння, аднак у 1999 годзе хвароба зноў дала пра сябе ведаць.

Тэги:
ФК "БАТЭ", Анатоль Капскі, Беларусь
Правілы карыстанняКаментары

Галоўныя тэмы