Лукашэнка незадаволены якасцю прагнозаў надвор'я ў Беларусі

© Sputnik / Я. Пастер / Перайсці ў медыябанкМетыастанцыя
Метыастанцыя - Sputnik Беларусь
Падпісацца
Прэзідэнт заклікаў беларускі Гідрамет вучыцца працаваць у вайсковых метэаролагаў.

МІНСК, 14 вер — Sputnik. Прэзідэнт Беларусі Аляксандр Лукашэнка раскрытыкаваў якасць прагнозаў надвор'я Белгідрамета, адпаведныя заявы ён зрабіў у чацвер падчас прызначэння новага кіраўніка Мінпрыроды.

Кіраўнік дзяржавы прызначыў новым кіраўніком ведамства Андрэя Худыку і, звяртаючыся да міністра, раскрытыкаваў прагнозы надвор'я, якія рыхтуе дэпартамент па гідраметэаралогіі.

"Іх прагнозы часам не тое што чытаць… Часам, прачытаўшы, хочацца, каб наогул нічога там не прагназавалі. Там больш за тысячу чалавек. Займіцеся гэтай структурай і навучыцеся працаваць у структуры — зусім невялікая — у нашай арміі ёсць (у ВПС і войсках СПА) на трое сутак інфармацыя па гадзінах, і ні разу не памыляліся", — заявіў Лукашэнка.

Прэзідэнт прызнаў: часам, чытаючы інфармацыю ад Белгідрамета, у яго ўзнікае жаданне "проста разагнаць гэтую арганізацыю".

"Калі не ўмееце працаваць, звяжыцеся з ваеннымі ўжо, навучыцеся ў іх працаваць", — сказаў на заканчэнне Лукашэнка.

Дакладнасць прагнозаў надвор'я ў Беларусі неаднаразова выклікала пытанні і ў простых грамадзян: часта бывае, што замест абяцанага пахаладання прыходзіць спякота або замест дажджоў пачынае па-сапраўднаму "сушыць". Незадаволенасць прагнозамі многія выказваюць жартамі ў сацыяльных сетках.

Стужка навiн
0