МІНСК, 2 кас — Sputnik. Нобелеўскую прэмію па фізіялогіі і медыцыне атрымалі амерыканскія даследчыкі Джэфры К. Хол, Майкл Росбаш і Майкл У. Янг.
Імёны лаўрэатаў Нобелеўскай прэміі па фізіялогіі і медыцыне абвясцілі ў Стакгольме ў панядзелак 2 кастрычніка.
Уладальнікамі прэміі сталі тры амерыканскіх біёлагі. Нобелеўскі камітэт аргументаваў прысуджэнне ім прэміі тым, што яны адкрылі малекулярныя механізмы, якія кантралююць цыркадные рытмы.
A slide from the press conference featuring the 2017 Medicine Laureates Jeffrey C. Hall, Michael Rosbash and Michael W. Young. #NobelPrize pic.twitter.com/lLXh8kB8VF
— The Nobel Prize (@NobelPrize) 2 октября 2017 г.
Цыркадные рытмы — свайго роду "біялагічны гадзіннік": арганізм запавольвае і паскарае розныя працэсы ў залежнасці ад часу сутак. Механізмы гэтага працэсу доўга былі незразумелыя.
Вывучаныя навукоўцамі цыркадныя рытмы дапамагаюць кантраляваць сон, харчаванне, выпрацоўку гармонаў і артэрыяльны ціск.
Амерыканскія даследчыкі атрымаюць у снежні грашовую прэмію ў памеры крыху больш за мільён долараў на траіх.
Ужо ў аўторак Нобелеўскі камітэт абвесціць імя ўладальніка Нобелеўскай прэміі па фізіцы, у сераду — па хіміі, у чацвер — па літаратуры, а ў пятніцу — за ўклад ва ўмацаванне міру.
