18:33 21 кастрычніка 2017
«Радыё Sputnik»
Аўтобусы ў Мінску

ДАІ: палос для руху грамадскага транспарту ў Мінску стане больш

© Sputnik / Виктор Толочко
Грамадства
Атрымаць кароткую спасылку
1810

Пры праектаванні сталічных вуліц шырынёй больш трох палос будзе закладвацца магчымасць выдзялення асобных палос для руху грамадскага транспарту.

МІНСК, 13 кас — Sputnik. Вылучаныя палосы для грамадскага транспарту ёсць сёння на магістральных вуліцах сталіцы, а ў далейшым іх колькасць павялічыцца, паведаміў начальнік аддзела тэхсродкаў і сістэм УДАІ ГУУС Мінгарвыканкама Дзмітрый Навой падчас прамой лініі ў мультымедыйным прэс-цэнтры Sputnik Беларусь.

"У нас вельмі шмат людзей ездзяць на грамадскім транспарце, да 60%. Вылучэнне асобнай паласы для грамадскага транспарту — гэта адзін са спосабаў знізіць заторы ў горадзе. У дзеючых нарматывах ТКП зафіксавана, што пры праектаванні дарог шырынёй ад трох палос і больш абавязкова павінна ўлічвацца вылучэнне такой паласы", — распавёў ён.

Што тычыцца відэакантролю кіроўцаў, якія выязджаюць на палосы руху, выдзеленыя для грамадскага транспарту, то пакуль няма магчымасці паўнавартасна рэалізаваць гэты праект з пункту гледжання заканадаўства, паколькі адказнасць не прапісаная ў Каап, растлумачылі ў ДАІ.

У прэс-цэнтры Sputnik Беларусь прайшла прамая лінія з кіраўніцтвам ДАІ горада Мінска, на якую паступіла больш за 20 званкоў на самыя актуальныя для горада тэмы. Сачыце за абнаўленнямі на сайце Sputnik Беларусь.

Тэги:
Грамадскі транспарт, УДАІ ГУУС Мінгарвыканкама, Мінск
Правілы карыстанняКаментары

Галоўныя тэмы