23:22 03 снежня 2020
«Радыё Sputnik»
  • USD2.59
  • EUR3.13
  • 100 RUB3.44
Грамадства
Атрымаць кароткую спасылку
1410

Ва ўрачыстых мерапрыемствах у нядзелю чакаецца ўдзел прэзідэнта Расіі Уладзіміра Пуціна.

СОЧЫ, 15 кас — Sputnik. Сусветны фестываль моладзі і студэнтаў (СФМС) урачыста адкрыецца ў нядзелю ў Алімпійскім парку Сочы, перадае карэспандэнт Sputnik з фестывальнай сталіцы.

Сусветны фестываль моладзі і студэнтаў праводзіцца з 1945 года ў розных краінах свету. За гады існавання СМФС зарэкамендаваў сябе ўнікальнай пляцоўкай, на якой маладыя лідары з усіх куткоў планеты абмяркоўваюць будучыню свету.

Чарговы СМФС праходзіць у гэтым кастрычніку ў Сочы. Неафіцыйна фэст ужо стартаваў: у "паўднёвую сталіцу" Расіі ўжо прыехалі тысячы ўдзельнікаў з усяго свету — усяго чакаецца прысутнасць на мерапрыемствах форуму каля 20 тысяч чалавек.

Акрамя таго, у суботу на вуліцах Масквы прайшло прымеркаванае да СМФС шэсце студэнтаў расійскіх ВНУ. Гэтае мерапрыемства таксама прыцягнула вялікую ўвагу.

Як перадае карэспандэнт Sputnik, увесь Сочы упрыгожаны да пачатку фестывалю. У горадзе ўжо можна ўбачыць шматлікіх удзельнікаў — гасцей з далёкага замежжа суправаджаюць валанцёры-перакладчыкі, якія дапамагаюць як з арганізацыйнымі, так і з побытавымі пытаннямі.

Працягваюць прыбываць удзельнікі форуму ў Сочы кругласутачна — таму і стойка рэгістрацыі ў Алімпійскім парку працуе пастаянна, як і тысячы валанцёраў па ўсім горадзе.

Як чакаецца, ва ўрачыстай цырымоніі адкрыцця фестывалю ў нядзелю прыме ўдзел і прэзідэнт Расіі Уладзімір Пуцін. Чакаюць расійскага лідара і ў апошнія дні форуму.

Сусветны фестываль моладзі і студэнтаў завершыцца 22 кастрычніка.

Тэги:
Всемирный фестиваль молодежи и студентов, Уладзімір Пуцін, Сочы, Расія

Галоўныя тэмы