"Белавія" павялічыла нормы правозу багажу ў эканом-класе

© PixabayВалізкі
Валізкі - Sputnik Беларусь
Падпісацца
Цяпер пасажыры авіякампаніі, якія ляцяць эканом-класам, могуць бясплатна правезці з сабой 23 кілаграма багажу, пераважка абыйдзецца ў 50 еўра.

МІНСК, 30 кас — Sputnik. Нацыянальны авіяперавозчык НАК "Белавія" з 29 кастрычніка змяніў нормы бясплатнага правозу багажу, гаворыцца ў паведамленні на сайце авіякампаніі.

Як раней паведамляў Sputnik, у Расіі з 5 лістапада ўступаюць у сілу новыя правілы правозу ручной паклажы і багажу ў самалётах. З гэтай даты памер ручной паклажы для бясплатнага правозу на борце самалёта будуць устанаўліваць самі авіякампаніі, аднак гэтыя нормы не павінны быць менш за пяць кілаграмаў.

Новыя нормы правозу багажу пасажырамі Белавія – інфографіка на sputnik.by - Sputnik Беларусь
Інфаграфіка
Новыя нормы правозу багажу пасажырамі авіякампаніі "Белавія"

Паводле дадзеных "Белавія", з 29 кастрычніка 2017 года пасажыры эканом-класа могуць бясплатна правезці з сабой 23 кілаграма багажу, тады як раней гэтая норма складала 20 кілаграмаў.

Таксама ўказваецца, што нормы па бясплатным правозе багажу прадугледжваюць, што ён павінен быць запакаваны ў адзін чамадан або сумку. У выпадку перавышэння нормы па вазе пасажыру прыйдзецца даплаціць 50 еўра. Раней гэтая сума была ніжэй.

Акрамя таго, авіякампанія звяртае ўвагу, што адно месца багажу не можа важыць больш за 32 кілаграмы.

У ручную паклажу пасажыр можа ўзяць з сабой толькі адзін чамадан або сумку вагой не больш за 8 кілаграмаў, а таксама, дадаткова да яе, жаночую сумку, дзіцячую калысачку, парасон, касцюм у портпледзе, дзіцячае харчаванне і іншыя неабходныя рэчы.

Акрамя таго, уведзена адна навіна. Калі раней пасажыры, якія вандруюць адной сям'ёй, маглі падсумаваць вагу сваіх валізак, то зараз гэта не дапускаецца. Калі рэчы сям'і складзеныя ў адзін чамадан, і яго вага перавышае 23 кілаграмы, пасажырам прыйдзецца або раскласці гэтыя рэчы па розных сумках, або заплаціць за перавагу.

Паслабленні зробленыя для пасажыраў бізнэс-класа: яны могуць узяць у палёт бясплатна две валізкі вагой да 32 кілаграмаў кожная, у ручную паклажу — адзін чамадан або сумку вагой да 12 кілаграмаў.

Стужка навiн
0