20:27 27 мая 2018
«Радыё Sputnik»
  • USD2.00
  • EUR2.34
  • 100 RUB3.25
Пасажыр набывае квіток

Стаў вядомы кошт праязных у Мінску з 1 лістапада

© Sputnik / Виктор Толочко
Грамадства
Атрымаць кароткую спасылку
8 0 0

Праезд у грамадскім транспарце падаражэе ўжо з серады: талоны і жэтоны стануць даражэй на пяць капеек.

МІНСК, 31 кас — Sputnik. Апублікавана рашэнне Мінгарвыканкама аб павышэнні кошту праезду ў гарадскім грамадскім транспарце, там пазначаны новыя кошты на праязныя квіткі, якія будуць устаноўлены з 1 лістапада гэтага года. 

Сталічныя ўлады напярэдадні прынялі рашэнне падняць кошт праезду ў транспарце Мінска: талоны на наземны транспарт будуць каштаваць з серады 60 капеек, жэтоны на метро — 65 капеек.

Рашэнне Мінгарвыканкама аб павышэнні тарыфаў на праезд апублікавана ў аўторак. У дакуменце, акрамя новых коштаў на талоны і жэтоны, паказаны і кошт праязных білетаў на гарадскі грамадскі транспарт.

Так, праязны на месяц без ліміту паездак на ўсе віды транспарту будзе каштаваць 49,61 рубля, аналагічны на дзесяць дзён — 17,41 рубля. На 30 дзён без ліміту паездак у адным наземным транспарце (тралейбус, трамвай ці аўтобус) — 27 рублёў, у метро — 29,25.

У сярэднім падаражэлі праязныя білеты на транспарт у сталіцы на 12-13%. З коштамі на іх вы можаце азнаёміцца ў дакуменце МГВК.

Кошт праязных білетаў у Мінску, як і ў іншых рэгіёнах краіны, далёкі ад кошту кампенсацыі рэальных выдаткаў на ўтрыманне грамадскага транспарту. Сталічныя чыноўнікі неаднаразова прапаноўвалі падняць цану да ўзроўню стопрацэнтнага пакрыцця выдаткаў, аднак пакуль рост кошту праезду адбываецца паступова — па пяць капеек у год. 

Тэги:
Грамадскі транспарт, Беларусь
Правілы карыстанняКаментары

Галоўныя тэмы