Антытытунёвая акцыя пройдзе ў Беларусі 13-17 лістапада

© PixabayЗабарона палення
Забарона палення - Sputnik Беларусь
Падпісацца
Акцыя прымеркавана да правядзення 16 лістапада Адзінага дня здароўя "Сусветны дзень непалення. Прафілактыка анкалагічных захворванняў".

МІНСК, 31 кас — Sputnik. Рэспубліканская антытытунёвая інфармацыйна-адукацыйная акцыя пройдзе 13-17 лістапада ў Беларусі.

У межах акцыі будуць задзейнічаны арганізацыі аховы здароўя, установы адукацыі, спорту і турызму, культуры, сродкі масавай інфармацыі і іншыя зацікаўленыя. З прыцягненнем іх прадстаўнікоў арганізуюць круглыя сталы і прэс-канферэнцыі па пытаннях прафілактыкі палення.

Ва ўстановах агульнай сярэдняй, сярэдняй спецыяльнай і вышэйшай адукацыі запланаваны культурна-масавыя, інфармацыйна-адукацыйныя, фізкультурна-аздараўленчыя мерапрыемствы па прафілактыцы ўжывання тытуню і выкарыстання электронных сістэм палення. Гэта будуць акцыі, вечары пытанняў і адказаў, кіналекторыяў, конкурсы і выставы інфармацыйна-адукацыйных матэрыялаў, спартыўныя мерапрыемствы і інш.

У медыцынскіх універсітэтах пройдзе акцыя "Будзь вольны ад тытунёвага дыму". Будуць арганізаваны дні адкрытай інфармацыі, кансультаванне насельніцтва ва ўстановах аховы здароўя рэспублікі, праца тэлефонаў даверу па пытаннях прафілактыкі палення.

Акрамя таго, Міністэрства аховы здароўя раіць кіраўнікам арганізацый і ўстаноў усіх форм уласнасці правесці ў калектывах інфармацыйны дзень па прафілактыцы палення тытуню, абвясціць тэрыторыі сваіх арганізацый і ўстаноў зонамі, свабоднымі ад палення.

Таксама рэкамендуецца прадугледзець меры маральнага і матэрыяльнага стымулявання работнікаў, якія адмовіліся ад палення і вядуць здаровы лад жыцця.

Стужка навiн
0