18:34 28 сакавіка 2020
«Радыё Sputnik»
  • USD2.58
  • EUR2.84
  • 100 RUB3.31
Грамадства
Атрымаць кароткую спасылку
17 0 0

Выключыць выпадкі недаўкладання сыравіны маглі б, на думку прадстаўнікоў сталічных уладаў, "маладыя кухары з новымі поглядамі і ідэямі".

МІНСК, 2 ліс — Sputnik. Каб выключыць факты крадзяжу прадуктаў, у харчблоках мінскіх школ вырашана ўсталяваць відэакамеры, паведамляецца на сайце Мінгарвыканкама са спасылкай на начальніка Галоўнага ўпраўлення спажывецкага рынку Андрэя Дамарацкага.

Аб гэтай ініцыятыве Дамарацкі распавёў у чацвер на пасяджэнні Мінгарвыканкама.

"Для кантролю над работнікамі харчаблокаў прынята рашэнне па ўстаноўцы камер відэаназірання. Яны ўжо ўстаноўлены ў шэрагу школ Маскоўскага, Фрунзенскага і Ленінскага раёнаў. Гэтая праца працягнецца: усе нашы школы будуць забяспечаны відэаназіраннем", — сказаў Дамарацкі.

У ГУСР мяркуюць, што пастаянны відэакантроль спыніць персанал ад спробаў змяніць рэцэптуру або пакласці менш, чым трэба, сыравіны. Да кантролю за падрыхтоўкай ежы зараз прыцягваюць і кіраўніцтва школ, дырэктар можа ў любы час прыйсці ў харчаблок і праверыць, як ідзе падрыхтоўка ежы.

Пэўныя надзеі ў ГУСР ускладаюць і на маладыя кадры. "У школы павінны прыйсці маладыя кухары з новымі поглядамі і ідэямі", — цытуюць Дамарацкага на сайце Мінгарвыканкама.

Акрамя таго, у ГУСР прапануюць стварыць базу нядобрасумленных супрацоўнікаў камбінатаў школьнага харчавання, каб выключыць іх працаўладкаванне ў школьныя сталовыя ў далейшым.

Разам з тым, у сталіцы арганізуюць адзіны школьны камбінат. Цяпер іх дзевяць. Пасля іх аб'яднання сталічныя ўлады змогуць аптымізаваць структуру камбіната, палепшыць лагістыку, знізіць сабекошт харчавання і закупачныя цэны на прадукты. Акрамя таго, з адзіным камбінатам будзе больш эфектыўна арганізаваны і кантроль за якасцю школьнага харчавання.

Тэги:
школа, дзеці, Беларусь

Галоўныя тэмы