03:30 20 красавіка 2021
«Радыё Sputnik»
  • USD2.60
  • EUR3.11
  • 100 RUB3.41
Грамадства
Атрымаць кароткую спасылку
1210

Генконсульства Расіі ў Брэсце напярэдадні 75-годдзя Сталінградскай бітвы арганізавала для ветэранаў "Сустрэчу каля салдацкага вогнішча".

МІНСК, 31 сту — Sputnik. Напярэдадні 75-годдзя разгрому нямецка-фашысцкіх войскаў у Сталінградскай бітве Генеральнае консульства Расіі ў Брэсце правяло "Сустрэчу каля салдацкага вогнішча". Такі неафіцыйны фармат зносінаў з ветэранамі Вялікай Айчыннай вайны, суайчыннікамі, прадстаўнікамі мясцовай улады стаў ужо традыцыйным.

За сяброўскім сталом ветэраны, сярод якіх былі і ўдзельнікі бітвы за Сталінград, падзяліліся сваімі ўспамінамі аб ваеннай пары.

Петр Колпаков выжил под Сталинградом и воевал на Курской дуге
© Photo : Генконсульство России в Бресте
Пётр Калпакоў выжыў пад Сталінградам і ваяваў на Курскай дузе

Пётр Фёдаравіч Калпакоў, якому ўжо 94 гады, выжыў пад Сталінградам, ваяваў на Курскай дузе, у складзе 1-га Украінскага фронту вызваляў Украіну і Польшчу. Перамогу сустрэў у Германіі.

У маі 1942 года добраахвотнікам уступіў у шэрагі Чырвонай арміі, а праз два месяцы — баявое хрышчэнне. На пасадзе камандзіра аддзялення быў накіраваны на абарону Сталінграда. Успамінаючы бітву на Волзе, кавалер ордэна Славы III ступені і ордэна Айчыннай вайны I ступені з хваляваннем у голасе распавядаў пра тое, як уся зямля была залітая крывёю, а байцы стаялі да смерці за кожны метр.

Генконсул Игорь Конякин с ветераном Анной Вороновой
© Photo : Генконсульство России в Бресте
Генконсул Ігар Канякін з ветэранам Ганнай Воранавай

Воранава Ганна Пракопаўна сышла на фронт, калі ёй было сямнаццаць. Служыла ў 123-м асобным аўтатранспартным батальёне. Удзельнічала ў баях за Сталінград, у вызваленні Адэсы, Кіева, Харкава, дайшла да Берліна. На сустрэчу Ганна Пракопаўна прыйшла з фотаздымкамі з сямейнага альбома. Яе кранальная гісторыя пра падрыхтоўку маладзенькай дзяўчынкай кашы для таварышаў па службе выклікала ўсмешкі на суровых тварах пакалення пераможцаў.

Встреча у солдатского костра в Генконсульстве России в Бресте прошла в теплой атмосфере
© Photo : Генконсульство России в Бресте
"Сустрэча ля салдацкага вогнішча" у Генконсульстве Расіі ў Брэсце прайшла ў цёплай атмасферы

Генконсул Ігар Канякін, калі уручаў  сувеніры, быў шчыры ў словах падзякі за вялікі, бессмяротны подзвіг, сілу духу і мужнасць, праяўленыя ў гады Вялікай Айчыннай вайны.

На сустрэчы выступілі прадстаўнікі брэсцкіх творчых калектываў. Сюрпрызам для ўсіх сталі пранікнёныя песні ваенных гадоў у выкананні расійскага спевака з Цвяры Дзмітрыя Якаўлева.

По теме

Музеі свету ў сацсетках правядуць акцыю ў гонар Сталінградскай бітвы
Тэги:
Сталінградская бітва, Ігар Канякін, Брэст, Беларусь

Галоўныя тэмы