МІНСК, 8 лют — Sputnik. Прэзідэнт Беларусі Аляксандр Лукашэнка накіраваў спачуванні родным і блізкім народнага артыста Беларусі Генадзя Гарбука ў сувязі са смерцю артыста, паведамілі ў прэс-службе кіраўніка дзяржавы.
Знакаміты акцёр тэатра і кіно памёр у мінулую сераду, будзе пахаваны 9 лютага на "Алеі зорак" на Маскоўскіх могілках у Мінску.
"Свой лёс ён звязаў з тэатрам, прысвяціўшы яму ўсе душэўныя сілы, талент і натхненне. Яго творчая дзейнасць стала неацэнным унёскам у гісторыю сучаснага мастацтва, духоўную скарбніцу Беларусі, прыкладам самаадданага служэння нацыянальнай культуры і сваёй Айчыне", — сказана ў спачуванні.
Кіраўнік дзяржавы таксама адзначыў, што Генадзь Гарбук выхаваў некалькі пакаленняў таленавітых артыстаў, якія дастойна прадстаўляюць, развіваюць і памнажаюць лепшыя традыцыі беларускай тэатральнай школы.
